ചെയ്ത തെറ്റ് ഞാന്‍ തിരുത്തി: ഗണേഷ് കുമാര്‍

By Lakshmi

Published: Monday, October 31, 2011, 11:28 [IST]

മൂന്നാര്‍: തെറ്റുചെയ്തിട്ടുണ്ടെങ്കില്‍ താന്‍ അത് തിരുത്തുകയും ചെയ്തുവെന്ന് മന്ത്രി കെബി ഗണേഷ് കുമാര്‍. ചെയ്ത തെറ്റ് അംഗീകരിക്കാനുള്ള മനസ്സ് എല്ലാവരും കാണിക്കണമെന്നും ഗണേഷ് പറഞ്ഞു.

ഞായറാഴ്ച മൂന്നാറിലെത്തിയപ്പോഴാണ് ഗണേഷ് കുമാര്‍ പ്രസംഗ വിവാദത്തെക്കുറിച്ച് പ്രതികരിച്ചത്. മൂന്നാറില്‍ ഗണേഷിന്റെ കാര്‍ തടഞ്ഞ് ഡിവൈഎഫ്‌ഐ പ്രവര്‍ത്തകര്‍ കരിങ്കൊടി കാണിച്ചിരുന്നു.

കരിങ്കൊടി കാണിക്കാനും പ്രതിഷേധിക്കാനും എല്ലാവര്‍ക്കും അവകാശമുണ്ട്. അത് അവര്‍ ചെയ്തോട്ടെ-ഇതിനെക്കുറിച്ചുള്ള ചോദ്യത്തോടെ ഇങ്ങനെയായിരുന്നു ഗണേഷിന്റെ പ്രതികരണം.

രാഷ്ട്രീയത്തിലായാലും ജീവിതത്തിലായാലും സന്തോഷമാണ് ഞാന്‍ ആഗ്രഹിക്കുന്നത്. സിനിമയിലും അതാണ് ലഭിച്ചത്. ജീവിതം സന്തോഷവും ദുഃഖവും നിറഞ്ഞതാണ്. പറ്റിയ പിഴയ്ക്ക് മാപ്പുചോദിച്ചുകഴിഞ്ഞു- അദ്ദേഹം പറഞ്ഞു.

മൂന്നാറില്‍ പ്രതിഷേധമുണ്ടാകുമെന്നു സൂചന കിട്ടിയതിനെ തുടര്‍ന്നു വനം വകുപ്പിന്റെ ജീപ്പിലാണു മന്ത്രി യാത്ര ചെയ്തത്.

Published On October 31, 2011