ഗോവിന്ദച്ചാമിക്ക് നേരെ കയ്യേറ്റശ്രമം

തൃശൂര്‍: സൗമ്യ വധക്കേസ് പ്രതി ഗോവിന്ദച്ചാമിക്കു നേരെ വീണ്ടും കൈയേറ്റ ശ്രമം. അതിവേഗ കോടതി വളപ്പിലാണു സംഭവം. വിധി കേട്ടശേഷം കോടതി മുറിയില്‍ നിന്നു പുറത്തേക്കു വന്നപ്പോഴാണു ഗോവിന്ദച്ചാമിക്കു നേരെ കൈയേറ്റ ശ്രമമുണ്ടായത്.

വിധി കേള്‍ക്കാന്‍ വന്‍ ജനകൂട്ടം കോടതി പരിസരത്ത് എത്തിയിരുന്നു. ഏറെ ബുദ്ധിമുട്ടിയാണു ഗോവിന്ദച്ചാമിയെ പൊലീസ് പുറത്തെത്തിച്ചത്. സൗമ്യ വധക്കേസിലെ ഏക പ്രതിയായ ഗോവിന്ദച്ചാമി കുറ്റക്കാരനെന്ന് കോടതി കണ്ടെത്തിയിരുന്നു. പ്രതിയ്‌ക്കെതിരേ കൊലപാതകം, ബലാത്സംഗം, മോഷണം ഉള്‍പ്പെടെ 15 കുറ്റങ്ങളാണു തൃശൂര്‍ അതിവേഗ കോടതി ചുമത്തിയത്. എന്നാല്‍ കുറ്റം നിഷേധിച്ച പ്രതി വികലാംഗനെന്ന പരിഗണന നല്‍കണമെന്നും അപേക്ഷിച്ചു.

നേരത്തെ കേസിന്റ വിചാരണവേളയില്‍ കോടതി പരിസരത്തു വച്ചു യൂത്ത്‌കോണ്‍ഗ്രസ് പ്രവര്‍ത്തകര്‍ ഗോവിന്ദച്ചാമിയെ കൈയേറ്റം ചെയ്തിരുന്നു.

English summary

According to the prosecution, 30-year-old Govindachamy hailing from Virudhachalam in Tamil Nadu had assaulted Soumya in the ladies compartment of the Kochi-Shornur Passenger train on February 1 and pushed her out of the running train immediately after it left the Vallathol Nagar railway station.