കിളിരൂര്‍: ശാരിയുടെ കുഞ്ഞ് പ്രവീണിന്റേത്

തിരുവനന്തപുരം: കിളിരൂര്‍ കേസില്‍ ശാരിയുടെ കുഞ്ഞ് പ്രവീണിന്റേതാണെന്ന് തെളിഞ്ഞിരുന്നതായി ഡോ. മോണിക്ക ബാനര്‍ജി കോടതിയില്‍ വെളിപ്പെടുത്തി. ഡിഎന്‍എ പരിശോധനയില്‍ ഇക്കാര്യം തെളിഞ്ഞിരുന്നതായിട്ടാണ് ഡോ. മോണിക്ക ബാനര്‍ജിയുടെ മൊഴി.

കേസിലെ മൂന്നാം പ്രതിയാണ് പ്രവീണ്‍. കേസില്‍ സാക്ഷിവിസ്താരം നടക്കുന്ന തിരുവനന്തപുരം കോടതിയിലാണ് ഡോ. മോണിക്കാ ബാനര്‍ജി ഇക്കാര്യം വ്യക്തമാക്കിയത്. ചേര്‍ത്തല സ്വദേശിയാണ് പ്രവീണ്‍.

അതിനിടെ ിളിരൂര്‍ കേസില്‍ എട്ടാം സാക്ഷിയായ ശാരിയുടെ അയല്‍വാസി രമണി കൂറുമാറിയതായി കോടതി പ്രഖ്യാപിച്ചു. ലതാ നായര്‍ക്കെതിരേ മുന്‍പു നല്‍കിയ മൊഴിക്ക് വിരുദ്ധമായിട്ടാണ് രമണി ഇപ്പോള്‍ മൊഴി നല്‍കിയത്.