ഐഇ ഉപയോഗിക്കുന്നവരുടെ എണ്ണം 50 ശതമാനത്തില് താഴെ
വെബ്ട്രാഫിക്കിന്റെ ആറുശതമാനത്തോളം വരുന്ന മൊബൈല് ആന്റ് ടാബ്ലറ്റ് വിപണിയെ സ്വാധീനിക്കാന് കഴിയാത്തതാണ് മൈക്രോസോഫ്റ്റിനു തിരിച്ചടിയായത്. മൊബൈല് ട്രാഫിക് നോക്കുകയാണെങ്കില് 62.17 ശതമാനം പേരും സഫാരിയെയാണ് ആശ്രയിക്കുന്നത്. അതേ സമയം ഡെസ്ക് ടോപ് ബ്രൗസിങില് 52.63 ശതമാനവും എക്സ്പ്ലോററിന്റെ കൈവശം തന്നെയാണ്.
ഒക്ടോബറിലെ കണക്കുകള് പരിശോധിക്കുകയാണെങ്കില് 21.20 ശതമാനം ട്രാഫിക്കുമായി മോസില്ലാ ഫയര്ഫോക്സാണ് രണ്ടാം സ്ഥാനത്ത്. ഗൂഗിള് ക്രോം സഫാരി എന്നിവ യഥാക്രമം 16.60, 8.72 ശതമാനവും സ്വന്തമാക്കിയിട്ടുണ്ട്.
മൊബൈലുകളില് സഫാരിയുടെ ജനപിന്തുണ വര്ധിക്കാന് കാരണം ഐഫോണിലും ഐപാഡിലും അത് ഡിഫാള്ട്ട് ബ്രൗസര് ആണെന്നതു തന്നെയാണ്. മറ്റു ബ്രൗസര്മാരെല്ലാം മുന്നേറ്റമുണ്ടാക്കുന്നുവെന്നതിന്റെ അര്ത്ഥം എക്സ്പ്ലോറര് തകരുന്നുവെന്നു തന്നെയാണ്.
Click it and Unblock the Notifications
Sign in with Google