വിലവര്ധന പിന്വലിക്കണം, അല്ലെങ്കില് പിന്തുണ പിന്വലിക്കും :മമത
കോണ്ഗ്രസ് ഏറ്റവും വലിയ ഒറ്റകക്ഷിയാണെങ്കിലും ഭരിക്കാനുള്ള ഭൂരിപക്ഷം അവര്ക്കില്ല. തൃണമൂല് കോണ്ഗ്രസിന്റെയും എന്സിപിയുടെയും പിന്തുണയോടെ മാത്രമേ കോണ്ഗ്രസിന് കേന്ദ്രം ഭരിക്കാനാവൂ. പക്ഷേ, പശ്ചിമബംഗാളിലെ കാര്യം അങ്ങനെയല്ല. തൃണമൂല് കോണ്ഗ്രസിന് വ്യക്തമായ ഭൂരിപക്ഷമുണ്ട്.
വിലവര്ധിപ്പിക്കുന്നതിനെ കുറിച്ച് സഖ്യകക്ഷികളുമായി ചര്ച്ച നടത്തിയിട്ടില്ല. കൂട്ടുകക്ഷിയെന്ന നിലയില് കുറെ നാളായി ഞങ്ങള് ഇതു സഹിക്കുന്നു. ഒരു കാബിനറ്റ് മന്ത്രിയും ആറ് സഹമന്ത്രിമാരും പാര്ട്ടിക്കുണ്ട്. എന്നാല് ജനങ്ങളെ നേരിട്ട് ബാധിക്കുന്ന ഇത്തരമൊരു വിഷയത്തില് ഉദാസീന നിലപാടാണ് തുടരുന്നെങ്കില് ആ സ്ഥാനങ്ങളില് കടിച്ചുതൂങ്ങി നില്ക്കാന് പാര്ട്ടിക്ക് വലിയ താല്പ്പര്യമില്ല.
പാര്ട്ടിയുടെ അസന്തുഷ്ടി ധനകാര്യമന്ത്രി പ്രണബ് മുഖര്ജിയെ വിളിച്ചുപറയാന് പോലും പറ്റാത്ത അവസ്ഥയിലാണ്കേന്ദ്ര മന്ത്രിമാര്. അത്തരത്തിലുള്ള നിലപാടുകളാണ് മുതിര്ന്ന കോണ്ഗ്രസ് നേതാക്കളില് നിന്നുള്ളത്.