• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഭന്‍വരി ദേവിയെ അറിയുമെന്ന് മദെര്‍നോ മൊഴി നല്‍കി

ജയ്പൂര്‍: കാണാതായ നഴ്‌സ് ഭന്‍വരി ദേവിയെ പരിചയമുണ്ടെന്ന് രാജസ്ഥാന്‍ മുന്‍ മന്ത്രി മഹിപാല്‍ മദെര്‍നോ സിബിഐക്ക് മൊഴിനല്‍കിയതായി എന്‍ഡിടിവി റിപ്പോര്‍ട്ട് ചെയ്തു. മദെര്‍നോയെ ചോദ്യം ചെയ്തതിനുശേഷമുള്ള വിശദമായ റിപ്പോര്‍ട്ട് അന്വേഷണ ഏജന്‍സി ഇതിനകം രാജസ്ഥാന്‍ ഹൈക്കോടതിയെ അറിയിച്ചിട്ടുണ്ട്.

36കാരിയുമായി തനിക്ക് അടുത്തബന്ധമാണുണ്ടായിരുന്നുവെന്ന് സമ്മതിച്ചതിനാല്‍ മദെര്‍നോയെ സിബിഐ വീണ്ടും ചോദ്യം ചെയ്യും. കേസ് അന്വേഷണം കൂടുതല്‍ സുഗമമായി മുന്നോട്ടുപോവാന്‍ ഡെപ്യൂട്ടി ഇന്‍സ്‌പെക്ടര്‍ ജനറല്‍ റാങ്കിലുള്ള ഒരു പോലിസ് ഉദ്യോഗസ്ഥന്റെ സേവനം അത്യാവശ്യമാണെന്ന് സിബിഐ കോടതിയില്‍ ബോധിപ്പിച്ചു. എന്നാല്‍ ഇക്കാര്യത്തില്‍ സംസ്ഥാനസര്‍ക്കാറിനാണ് അപേക്ഷ കൊടുക്കേണ്ടതെന്ന് കോടതി നിര്‍ദ്ദേശിച്ചു.

മദെര്‍നോയെ ആറുമണിക്കൂറോളം ചോദ്യം ചെയ്തതില്‍ നിന്നും ഒട്ടേറെ വിലപ്പെട്ട വിവരങ്ങളാണ് അന്വേഷണ ഏജന്‍സിക്കു ലഭിച്ചിട്ടുള്ളത്. ഭന്‍വരി ദേവിയുമായി കൂടിക്കാഴ്ച നടന്ന തിയ്യതികള്‍, ഫോണ്‍കോളുകളുമായി ബന്ധപ്പെട്ട വിവരങ്ങള്‍ എന്നിവ പോലിസ് ശേഖരിച്ചുകൊണ്ടിരിക്കുകയാണ്.

ജാലിവാഡ ഗ്രാമത്തിലെ ഹെല്‍ത്ത് സെന്ററില്‍ ജോലി ചെയ്തിരുന്ന ഭന്‍വരി ദേവിയെന്ന മിഡ്‌ഫൈവും മന്ത്രിയും കൂടി കെട്ടിപ്പിടിച്ചുനില്‍ക്കുന്ന വീഡിയോ ക്ലിപ്പ് പുറത്തുവന്നതാണ് തുടക്കം. ദിവസങ്ങള്‍ക്കുള്ളില്‍ നഴ്‌സിനെ ദുരൂഹസാഹചര്യത്തില്‍ കാണാതായതോടെ സംശയത്തിന്റെ നിഴല്‍ സ്വാഭാവികമായും മന്ത്രിയിലേക്ക് നീളുകയായിരുന്നു. മന്ത്രിയുടെ നിര്‍ദ്ദേശംപ്രകാരം ഭാര്യയെ തട്ടികൊണ്ടു പോയി കൊലപ്പെടുത്തുകയായിരുന്നുവെന്ന് ഭന്‍വരി ദേവിയുടെ ഭര്‍ത്താവ് അമര്‍ചന്ദ് പോലിസില്‍ പരാതി നല്‍കിയിരുന്നു.

ബിജെപി അടക്കമുള്ള പ്രതിപക്ഷ കക്ഷികള്‍ ശക്തമായ പ്രക്ഷോഭം ആരംഭിച്ചതിനെ സംസ്ഥാന സര്‍ക്കാര്‍ സിബിഐ അന്വേഷണത്തിന് ഉത്തരവിടുകയായിരുന്നു. പക്ഷേ, അന്വേഷണം ആരംഭിച്ചിട്ടും രാജിവെയ്ക്കാന്‍ തയ്യാറാവാതിരുന്ന ജലവിഭവമന്ത്രിയെ മുഖ്യമന്ത്രി അശോക് ഗെഹ്‌ലോട്ട് മന്ത്രിസഭയില്‍ നിന്നു നീക്കം ചെയ്തു.

കേസിലെ മുഖ്യപ്രതിയെന്ന് സംശയിക്കുന്ന ശഹാബൂദ്ദീനെ സിബിഐ സംഘം കഴിഞ്ഞമാസം പിടികൂടിയിരുന്നു. എന്നാല്‍ ശഹാബുദ്ദീനുമായി യാതൊരു ബന്ധവുമില്ലെന്ന മൊഴിയാണ് മദെര്‍നോ സിബിഐക്ക് നല്‍കിയിട്ടുള്ളത്.

English summary
The CBI will continue to question former Rajasthan minister Mahipal Maderna over his alleged involvement in the sensational Bhanwari Devi case today.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more