പൂവാലശല്യം: പിതാവ് മരിച്ചു മകള് ആശുപത്രിയില്
താനും പിതാവും ഉജ്ജയിനിയില് നിന്നും ഇന്ഡോറിലേയ്ക്ക് ബൈക്കില് വരുന്നതിനിടെ ഒരു സംഘം യുലവാക്കള് ബൈക്കുകളില് എത്തി പുറകിലിരുന്ന തന്നെ ഉപദ്രവിക്കുകയായിരുന്നുവെന്ന് നീതു പറയുന്നു.
ഒരു യുവാവ് തന്റെ കയ്യില് കടന്നുപിടിച്ച് വലിച്ചപ്പോള് ബൈക്കിന്റെ നിയന്ത്രണം തെറ്റുകയും പിതാവ് തെറിച്ച് വീഴുകയുമായിരുന്നുവെന്നും പെണ്കുട്ടി വിശദീകരിച്ചു. സംഭവം കണ്ടുനിന്ന കുറച്ചാളുകളാണ് അച്ഛനെയും മകളെയും ആശുപത്രിയില് എത്തിച്ചത്. പക്ഷേ പിതാവിന്റെ ജീവന് രക്ഷിക്കാന് കഴിഞ്ഞില്ല.
യുവാക്കള് ഉപയോഗിച്ച ബൈക്കിന്റെ രജിസ്ട്രേഷന് നമ്പര് ശ്രദ്ധിക്കാന് കഴിഞ്ഞില്ലെന്നും ആക്രമണവും അപകടവുമെല്ലാം പെട്ടെന്നായിരുന്നുവെന്നും പെണ്കുട്ടി പറയുന്നു.
സംഭവത്തില് മധ്യപ്രദേശ് പൊലീസ് ഇതുവരെ ആര്ക്കെതിരെയും നടപടിയെടുത്തിട്ടില്ല. അക്രമികളെക്കുറിച്ച് കൃത്യമായ വിവരങ്ങള് ഇല്ലാത്തതുതന്നെയാണ് നടപടിയെടുക്കാന് വൈകുന്നതിന് പിന്നിലെ കാരണം.
കഴിഞ്ഞദിവസം മുംബൈയിലെ ശല്യക്കാരില് നിന്നും പെണ്കുട്ടികളെ രക്ഷപ്പെടുത്താന് ശ്രമിച്ച രണ്ടുപേര് കൊല്ലപ്പെട്ടതിന് പിന്നാലെയാണ് ഈ സംഭവം റിപ്പോര്ട്ട് ചെയ്തിരിക്കുന്നത്.