ഭരണിയ്ക്കുള്ളിലെ നിധി പിടിച്ചെടുത്തു

ബര്‍മിങ്ഹാം: ഭരണിയ്ക്കുള്ളില്‍ നിന്ന് കണ്ടെത്തിയ റോമന്‍ നാണയങ്ങള്‍ പിടിച്ചെടുത്തു. ഈ നാണയ ശേഖരം നിധി ആണെന്നും അതിനാല്‍ അത് രാജ്ഞിയുടെ നാമത്തില്‍ പിടിച്ചെടുക്കുകയാണെന്നാണ് ഡെപ്യൂട്ടി കൊറോണര്‍ എലോക് അറിയിച്ചത്.

ബ്രെഡന്‍ ഹില്ലില്‍ നിന്നാണ് 244-282 എഡി കാലഘട്ടത്തിലേതെന്ന് കരുതപ്പെടുന്ന നാണയശേഖരം കണ്ടെത്തിയത്. 16 റോമന്‍ ചക്രവര്‍ത്തിമാരുടെ ചിത്രം ആലേഖനം ചെയ്തിട്ടുള്ള ഭരണിയ്ക്കകത്തായിരുന്നു നാണയശേഖരം. 3,874 നാണയങ്ങളാണ് ഭരണിയ്ക്കുള്ളില്‍ ഉണ്ടായിരുന്നത്. രണ്ടു നിധി വേട്ടക്കാരാണ് നാണയശേഖരം കണ്ടെത്തിയത്.

ഈ നാണയങ്ങള്‍ ഒരു പട്ടാളക്കാരന്റെ 11 മാസത്തെ ശമ്പളമാണെന്നാണ് പുരാവസ്തു വകുപ്പിന്റെ നിഗമനം. കഴിഞ്ഞ ജൂണ്‍ 18നാണ് മാര്‍ക്ക് ഗില്‍മോര്‍, ജെത്രോ എന്നിവര്‍ ചേര്‍ന്ന് നിധിശേഖരം കണ്ടെത്തിയത്. 34 വര്‍ഷത്തെ അന്വേഷണത്തിനൊടുവിലാണ് ഇവര്‍ നിധി കണ്ടെത്തിയത്. നിധിയുടെ പകുതി ഇവര്‍ക്ക് നല്‍കാന്‍ ധാരണയായിട്ടുണ്ട്. നിധി കണ്ടെത്തിയ സ്ഥലത്തിന്റെ ഉടമയ്ക്കും ഇതില്‍ ഒരു പങ്ക് ലഭിച്ചേക്കും.

English summary

THE largest hoard of Roman coins ever uncovered in Worcestershire was declared as treasure at an inquest yesterday. The discovery of the coins, thought to be once owned by a Roman soldier, was made on Bredon Hill in the summer by two metal detector enthusiasts and revealed a previously undiscovered Roman site.