യുവതിയെ ശല്യപ്പെടുത്തിയവരെ നാട്ടുകാര് കൈവച്ചു
റാന്നി: വിദ്യാര്ഥിനിയെ ശല്യം ചെയ്ത യുവാവിനെ സ്ത്രീകളുള്പ്പെട്ട സംഘം കൈകാര്യം ചെയ്തു. റാന്നി മന്ദിരം ജങ്ഷന് സമീപം മോസ്കോപടിയില് ചൊവ്വാഴ്ചയാണ് സംഭവം നടന്നത്.
പാല് വിതരണവാഹനത്തിലെത്തുന്ന യുവാവാണ് മര്ദ്ദനത്തിനിരയായത്. ടിടിസി വിദ്യാര്ഥിനിയെ ഇയാള് കുറച്ചുനാളായി സ്ഥിരമായി ശല്യപ്പെടുത്താറുണ്ടത്രേ.
വാനിലെത്തിയിരുന്ന പാല് വിതരണക്കാര് മോശമായി സംസാരിക്കുകയും പ്രതികരിക്കാതെ വന്നപ്പോള് ലൈംഗികചേഷ്ടകള് കാണിക്കുകയും ചെയ്തുവെന്നാണ് പരാതി. വിവരം അറിഞ്ഞെത്തിയ സ്ത്രീകളടങ്ങുന്ന നാട്ടുകാര് വഴിയരുകില് കാത്തുനിന്ന് ശല്യക്കാരെ പിടികൂടുകയായിരുന്നു.
സംഘര്ഷത്തിനിടെ വാനിന്റെ ഡ്രൈവര് ഓടി രക്ഷപെട്ടു. ഒപ്പമുണ്ടായിരുന്ന സെയില്സ്മാനെയാണ് നാട്ടുകാര് കൈകാര്യം ചെയ്തത്. റാന്നി പോലീസും പാല്വിതരണ കമ്പനി അധികൃതരും സ്ഥലത്തെത്തിയ ശേഷമാണ് നാട്ടുകാര് വാന് വിട്ടുകൊടുത്തത്.