അനൂപ് ജേക്കബിന് അപകടത്തില്‍ പരിക്ക്

കൊച്ചി: പിറവം നിയോജക മണ്ഡലത്തിലെ നിയുക്ത യുഡിഎഫ് സ്ഥാനാര്‍ത്ഥി അനൂപ് ജേക്കബിന് വാഹനാപകടത്തില്‍ നിസാര പരിക്കേറ്റു. തിങ്കളാഴ്ച രാവിലെ 9.30 ന് മൂവാറ്റുപുഴയില്‍ നിന്ന് കോതമംഗലത്തേക്ക് പോകുന്ന വഴി കാരുകുന്നില്‍ വച്ചായിരുന്നു അപകടം.

അനൂപ് ജേക്കബും കേരള കോണ്‍ഗ്രസ് (ജേക്കബ്) വര്‍ക്കിങ്ങ് ചെയര്‍മാന്‍ ജോണി നെല്ലൂരും സഞ്ചരിച്ചിരുന്ന സ്വിഫ്റ്റ് കാര്‍ കാരുകുന്നത്തുവച്ച് ഒരു വാഹനത്തെ ഓവര്‍ടേക്ക് ചെയ്യുന്നതിനിടെ എതിരെ വന്ന വാഹനം ഇടിക്കുകയായിരുന്നു.

അനൂപിന്റെ കാല്‍മുട്ട് വണ്ടിയിലിടിച്ചാണ് പരിക്കേറ്റത്. കോലഞ്ചേരി മെഡിക്കല്‍ കോളജില്‍ പ്രഥമ ശുശ്രൂഷകള്‍ക്ക് ശേഷം അനൂപ് വീട്ടിലേക്ക് മടങ്ങി.