പവാര് തല്ലിന് അര്ഹന്: ടി പത്മനാഭന്
ചാനലുകള് ആ ദൃശ്യം ഭംഗിയായി കാണിച്ചു. പലതും വെച്ച് കളിക്കുന്ന കോടീശ്വരനാണ് പവാര്. അദ്ദേഹം അടിക്ക് അര്ഹനാണ്. അത് എന്നേപ്പോലുള്ള പ്രാകൃതന് പറയാം. എന്നാല് ഹസാരെയെപ്പോലുള്ള ആധുനിക ഗാന്ധിയന് അത് പറയാന് പറ്റില്ല.
ഒന്നേ കിട്ടിയുള്ളോ എന്നാണ് ഹസാരെ ആദ്യം ചോദിച്ചത്. പിന്നീട് തിരുത്തി. പറഞ്ഞത് തിരുത്തിപ്പറയാന് ആര്ക്കും കഴിയും. യഥാര്ത്ഥ ഗാന്ധിയന് ഒരിക്കലും അത്തരം ചോദ്യം ഉന്നയിക്കില്ല-പത്മനാഭന് പറഞ്ഞു.അങ്കണം സാംസ്കാരിക വേദിയുടെ സാഹിത്യ പുരസ്കാര ചടങ്ങില് സംസാരിക്കുകയായിരുന്നു പത്മനാഭന്.
സാഹിത്യത്തിലും ജീവിതത്തിലും നല്ലതു ചെയ്താല് മാത്രമേ ഓര്മിക്കപ്പെടുകയുള്ളൂ. ശരീരത്തിന് ശക്തിയും തൊണ്ടയ്ക്ക് കരുത്തുമുള്ള കാലത്ത് വിളിച്ചുപറയുന്ന കാര്യങ്ങള് മരണത്തോടെ അവസാനിക്കും.
ശബ്ദകോലാഹലം സൃഷ്ടിച്ച് ചാനലുകളിലും പത്രപംക്തികളിലും ഇടം നേടാം. സ്വന്തം പേരില് ഫൗണ്ടേഷനുകള് രൂപവത്കരിച്ച് നാടുനീളെ സംസാരിക്കാം. എന്നാല് ഇത്തരക്കാര് ഭൂമുഖത്തുനിന്ന് തിരോഭവിക്കുന്ന നിമിഷം ജനം വിസ്മരിക്കും-പത്മനാഭന് പറഞ്ഞു.