മുല്ലപ്പെരിയാര്: ഉമ്മന് ചാണ്ടി ദില്ലിയ്ക്ക്
കേരളത്തിന് സുരക്ഷയും തമിഴ്നാടിന് വെള്ളവും എന്നതാണ് കേരളത്തിന്റെ സമീപനം. സുരക്ഷ ഉറപ്പാക്കാന് പുതിയ അണ കെട്ടിയേ തീരൂ. നിലവിലെ ജലനിരപ്പ് 120 അടിയായി താഴ്ത്തുകയും വേണം. അതിനായി കേരളം ഒറ്റക്കെട്ടായി നിലകൊള്ളും.
പുതിയ അണ കെട്ടിയാലും മുല്ലപ്പെരിയാറില് നിന്ന് നിലവില് തമിഴ്നാടിനുള്ള വെള്ളം ഒരു കുറവുമില്ലാതെ കൊടുക്കാമെന്ന് കേരളം ഉറപ്പുനല്കുകയാണ്. ഈ ഉറപ്പ് സ്ഥാപിക്കാന് എന്ത് ചെയ്യാനും കേരളം സന്നദ്ധമാണ്- അദ്ദേഹം പറഞ്ഞു.
ഇരുപതിനായിരം കോടി രൂപ മുടക്കി കൂടംകുളത്ത് നിര്മിച്ച ആണവനിലയത്തെ സ്വന്തം ജനങ്ങളുടെ സുരക്ഷയെക്കരുതി എതിര്ക്കുകയാണെന്നാണ് തമിഴ്നാട് സര്ക്കാര് പറയുന്നത്. അതുപോലെ നമ്മുടെ ജനങ്ങളുടെ സുരക്ഷ ഉറപ്പാക്കേണ്ട ബാധ്യത കേരള സര്ക്കാരിനുണ്ട്. ഇക്കാര്യം എന്തുകൊണ്ട് തമിഴ്നാട് മനസ്സിലാക്കുന്നില്ല- ഉമ്മന് ചാണ്ടി ചോദിച്ചു.
അതിനിടെ, മുല്ലപ്പെരിയാര് വിഷയം ചര്ച്ച ചെയ്യാന് ഡിസംബര് 9ന് പ്രത്യേക നിയമസഭാ സമ്മേളനം വിളിച്ചുചേര്ക്കാന് ബുധനാഴ്ച അര്ധരാത്രി ചേര്ന്ന അടിയന്തര മന്ത്രിസഭാ യോഗം തീരുമാനിച്ചു. പ്രതിപക്ഷവുമായി ചര്ച്ച ചെയ്തശേഷമാണ് ഈ തീരുമാനമെടുത്തത്.
Click it and Unblock the Notifications
Sign in with Google