കോണ്‍ഗ്രസ് നേതാവിനെതിരെ സ്ത്രീപീഡന കേസ്

മട്ടന്നൂര്‍: കോണ്‍ഗ്രസ് നേതാവിനും കുടുംബാഗങ്ങള്‍ക്കുമെതിരെ സ്ത്രീപീഡന കേസ്. ഡിസിസി ആക്ടിങ് പ്രസിഡന്റ് കടമ്പൂര്‍ സ്വദേശി പികെ വിജയരാഘവന്‍, ഭാര്യ പങ്കജാക്ഷി, മകന്‍ ഡാനിഷ്, മകള്‍ ഡാലിയ, മകളുടെ ഭര്‍ത്താവ് ദിലീപ് എന്നിവര്‍ക്കെതിരെയാണ് സ്ത്രീപീഡന കേസ് ഫയല്‍ ചെയ്തിരിക്കുന്നത്.

ഡാനിഷിന്റെ ഭാര്യ മട്ടന്നൂര്‍ സ്വദേശി പിവി രാഗി(26) ആണ് പരാതിക്കാരി.2007 മെയ് 13നായിരുന്നു ഡാനിഷും രാഗിയും വിവാഹിതരായത്. ഡാനിഷ് ഗള്‍ഫിലായിരുന്നു ജോലി ചെയ്തിരുന്നത്.

വീട്ടിലുണ്ടായിരുന്നപ്പോള്‍ ഭര്‍ത്താവും ഭര്‍തൃ വീട്ടുകാരും തന്നെ ശാരീരികമായും മാനസികമായും പീഡിപ്പിച്ചിരുന്നുവെന്ന് രാഗി പരാതിയില്‍ പറയുന്നു. രാഗിയുടെ പരാതിയിന്‍മേല്‍ കേസെടുത്ത് അന്വേഷണം നടത്താന്‍ മട്ടന്നൂര്‍ ഒന്നാം ക്ലാസ് മജിസ്‌ട്രേറ്റ് രാമു രമേഷ് ഉത്തരവിട്ടിട്ടുണ്ട്.

English summary

Daughter in Law filed case against Congress leader and his family.,