പ്രാര്‍ത്ഥനാകേന്ദ്രത്തിന് പിന്നില്‍ അനാശാസ്യമെന്ന്

കൊച്ചി: അനാശാസ്യം നടക്കുന്നുവെന്ന നാട്ടുകാരുടെ പരാതിയുടെ അടിസ്ഥാനത്തില്‍ ക്രൈസ്തവ പ്രാര്‍ത്ഥനാ കേന്ദ്രത്തിന് പഞ്ചായത്ത് സ്റ്റോപ്പ് മെമ്മോ നല്‍കി.

പൂ്ക്കൂട്ടുപടിയ്ക്ക് സമീപം ആശാന്‍പടിയില്‍ പ്രവര്‍ത്തിക്കുന്ന ക്രിസ്തുരാജ പ്രാര്‍ത്ഥനാ കേന്ദ്രത്തിനെതിരെയാണ് നാട്ടുകാര്‍ പരാതി നല്‍കിയിരിക്കുന്നത്. ഇതിന്റെ മറവില്‍ ഇവിടെ അനാശാസ്യം നടക്കുന്നുണ്ടെന്നാണ് ആരോപണം.

പാസ്റ്റര്‍ അഗസ്റ്റിന്‍ പുളിക്കല്‍ എന്നയാളാണ് പ്രാര്‍ത്ഥനാലയത്തിന്റെ നടത്തിപ്പുകാരന്‍. ഇയാള്‍ ഇവിടെ സ്ത്രീകളെ കൊണ്ടുവന്ന പാര്‍പ്പിച്ച് അനാശാസ്യം നടത്തുന്നെന്നാണ് നാട്ടുകാരുടെ ആരോപണം.

നാട്ടുകാര്‍ പഞ്ചായത്ത് പ്രസിഡന്റിന് നല്‍കിയ പരാതിയുടെ അടിസ്ഥാനത്തില്‍ പഞ്ചായത്ത് അധികൃതര്‍ നടത്തിയ പരിശോധനയില്‍ ജില്ലാ കളക്ടറുടെ അനുമതിയോ അംഗീകാരമോ ഇല്ലാതെയാണ് സ്ഥാപനം പ്രവര്‍ത്തിക്കുന്നതെന്ന് കണ്ടെത്തിയതിനെ തുടര്‍ന്നാണ് സ്‌റ്റോപ്പ് മെമ്മോ നല്‍കിയത്.

നടത്തിപ്പുകാരനായ പാസ്റ്ററുടെ മകനും ഇതുസംബന്ധിച്ച് പരാതി നല്‍കിയിട്ടുണ്ട്. നാല് ഭാര്യമാരുള്ള പാസ്റ്ററുടെ ആദ്യഭാര്യയുടെ മകനാണ് പരാതി നല്‍കിയത്.

English summary

A Panjayat office in Ernakulam district issued a stop memo to a christian prayer sentre which is running by a paster in connection with the flesh trade allegations.