ബെല്ലാരിയില്‍ ബിജെപി നാണംകെട്ടു

ബാംഗ്ലൂര്‍: ബെല്ലാരി റൂറല്‍ ഉപതിരഞ്ഞെടുപ്പില്‍ ഭരണകക്ഷിയായ ബിജെപി നാണംകെട്ടു. പാര്‍ട്ടിയുടെ സിറ്റിങ് സീറ്റില്‍ സ്വതന്ത്ര സ്ഥാനാര്‍ത്ഥിയായ മല്‍സരിച്ച മുന്‍ ആരോഗ്യമന്ത്രി ബി ശ്രീരാമലു 46790 വോട്ടിനാണ് വിജയിച്ചത്. ഇവിടെ പാര്‍ട്ടി സ്ഥാനാര്‍ത്ഥി പി ഖാദിലിംഗപ്പ മൂന്നാം സ്ഥാനത്തേക്ക് പിന്തള്ളപ്പെട്ടു. കോണ്‍ഗ്രസാണ് രണ്ടാം സ്ഥാനത്ത്. ജനതാദള്‍ സെക്കുലര്‍ ഇവിടെ സ്ഥാനാര്‍ത്ഥിയെ നിര്‍ത്തിയിരുന്നില്ല.

അനധികൃത ഖനന കേസില്‍ കുറ്റാരോപിതരായ റെഡ്ഡി സഹോദരന്മാരുമായി ബന്ധമുള്ളതിനാല്‍ ശ്രീരാമലുവിനെ സദാനന്ത ഗൗഡ മന്ത്രിസഭയില്‍ ഉള്‍പ്പെടുത്തിയിരുന്നില്ല. ഇതില്‍ പ്രതിഷേധിച്ച് പാര്‍ട്ടി അംഗത്വവും എംഎല്‍എ സ്ഥാനവും രാജിവച്ച ശ്രീരാമലു സ്വതന്ത്രനായി മല്‍സരിക്കുകയായിരുന്നു.

കര്‍ണാടകയില്‍ ബിജെപി എന്നാല്‍ റെഡ്ഡി സഹോദരന്മാരാണെന്ന് പ്രഖ്യാപിക്കുന്ന തിരഞ്ഞെടുപ്പ് ഫലം കൂടിയാണിത്. നിരവധി ബിജെപി എംപിമാരുടെയും എംഎല്‍എമാരുടെയും പിന്തുണയോടുകൂടിയാണ് ശ്രീരാമലു പാര്‍ട്ടി വിമതനായി മല്‍സരിച്ചതെന്ന കാര്യവും ശ്രദ്ധേയമാണ്. തീര്‍ച്ചയായും സംസ്ഥാനത്തെ രാഷ്ട്രീയസമവാക്യങ്ങളില്‍ മാറ്റം വരുത്താന്‍ ഈ വിധിക്കു സാധിക്കും.

English summary

As the Bellary by-poll counting of votes is underway on Sunday, Dec 4, the initial reports has hinted at a big victory for independent candidate B Sriramulu, who flaunted a new party after breaking up ties with the ruling government BJP.