റഷ്യന്‍പേടകം, പ്രതീക്ഷ അവസാനിച്ചതായി യൂറോ ഏജന്‍സി

പെര്‍ത്ത്: സാങ്കേതിക തകരാറു മൂലം ഭൂമിയുടെ ഭ്രമണപഥത്തില്‍ കുടുങ്ങി കിടക്കുന്ന റഷ്യന്‍ ബഹിരാകാശ പേടകം പ്രവര്‍ത്തന ക്ഷമമാക്കാമെന്ന പ്രതീക്ഷ അവസാനിച്ചതായി യൂറോപ്യന്‍ യൂനിയന്‍ അറിയിച്ചു. ദിവസങ്ങള്‍ക്കു മുമ്പ് ഫോബോസ്-ഗ്രന്റ് പ്രോബില്‍ നിന്നു ചെറിയ തോതില്‍ സന്ദേശങ്ങള്‍ ലഭിച്ചിരുന്നെങ്കിലും ഇപ്പോള്‍ ഒരു പ്രതികരണവും ലഭിക്കുന്നില്ലെന്ന് യൂറോപ്യന്‍ സ്‌പേസ് ഏജന്‍സി അറിയിച്ചു.

പെര്‍ത്ത് കേന്ദ്രമായി യൂറോപ്യന്‍ യൂനിയന്‍ നടത്തുന്ന ശ്രമങ്ങള്‍ മാത്രമാണ് അവസാനിപ്പിച്ചിട്ടുള്ളത്. റഷ്യയിലെ നിയന്ത്രണകേന്ദ്രത്തിലെ ഒരു വിഭാഗം ശാസ്ത്രജ്ഞര്‍ ഇപ്പോഴും തികഞ്ഞ പ്രതീക്ഷയിലാണ്. അതേ സമയം 1700 ലക്ഷം ഡോളര്‍ മുടക്കി വികസിപ്പിച്ചെടുത്ത ചൊവ്വ പര്യവേഷണ പേടകം പ്രവര്‍ത്തനക്ഷമമാക്കാനായില്ലെങ്കില്‍ എന്തു ചെയ്യണമെന്ന കാര്യത്തില്‍ റഷ്യന്‍ ശാസ്ത്രജ്ഞര്‍ ഇപ്പോള്‍ ആശയകുഴപ്പത്തിലാണ്.

ഡിസംബര്‍ അവസാനത്തോടുകൂടി പേടകം ഭൂമിയിലേക്ക് വീഴുമെന്നാണ് നാസയുടെ റിപ്പോര്‍ട്ടുകള്‍ വ്യക്തമാക്കുന്നത്. പേടകത്തിലെ ഇന്ധനം അത്യന്തം മാരകമായ വിഷമായതിനാല്‍ അതുണ്ടാക്കുന്ന അപകടത്തിന്റെ തോത് പ്രവചിക്കാനാവില്ലെന്ന് ശാസ്ത്രജ്ഞര്‍ തന്നെ മുന്നറിയിപ്പ് നല്‍കുന്നുണ്ട്.

English summary

"We will stay available for our Russian colleagues in case there is any sign or glimpse of hope from their side, Present now we stops" said Dr Manfred Warhaut from Esa's European Space Operations Centre (Esoc) in Darmstadt, Germany.