ടെക്കി ഭാര്യയെ ഗ്രൂപ്പ് സെക്സിന് പ്രേരിപ്പിച്ചു

ബാംഗ്ലൂര്‍: സുഹൃത്തുക്കള്‍ക്ക് തന്നെ കാഴ്ചവയ്ക്കാന്‍ ശ്രമിച്ചുവെന്ന പരാതിയുമായി ടെക്കിയുടെ ഭാര്യ കോടതിയില്‍ ബാംഗ്ലൂരിലെ പ്രശസ്ത മള്‍ട്ടിനാഷണല്‍ കമ്പനിയിലെ എഞ്ചിനീയറായ ഭര്‍ത്താവിനെതിരെയാണ് 29കാരിയായ യുവതി പരാതി നല്‍കിയിരിക്കുന്നത്.

പെട്ടെന്ന് പണമുണ്ടാക്കാനായി തന്റെ പതിനൊന്ന് സുഹൃത്തുക്കള്‍ക്ക് വഴങ്ങണമെന്നാണ് ഭര്‍ത്താവ് ആവശ്യപ്പെട്ടിരുന്നതെന്ന് ഡെന്റിസ്റ്റായ ഇവര്‍ ആരോപിയ്ക്കുന്നു. സുഹൃത്തുക്കളുമായി ബന്ധപ്പെടുന്നതിന്റെ വീഡിയോദൃശ്യങ്ങള്‍ ഇന്റര്‍നെറ്റിലൂടെ വില്‍ക്കാന്‍ ഭര്‍ത്താവ് തീരുമാനിച്ചിരുന്നുവെന്നും ഇവരുടെ പരാതയിലുണ്ട്.

ഡിസംബര്‍ അഞ്ചിന് ലഭിച്ച പരാതിയില്‍മേല്‍ അന്വേഷണം നടത്താന്‍ പൊലീസിന് കോടതി നിര്‍ദ്ദേശം നല്‍കിയിട്ടുണ്ട്.

ഭര്‍ത്താവിന് പലസ്ത്രീകളുമായി അവിഹിത ബന്ധമുണ്ടായിരുന്നുവെന്നും ഇതിന്റെ ചിത്രങ്ങള്‍ പക്കലുണ്ടെന്നും ഇവര്‍ ആരോപിയ്ക്കുന്നു. പരാതിയ്‌ക്കൊപ്പം ഈ ചിത്രങ്ങളും ഭര്‍ത്താവ് സുഹൃത്തുക്കള്‍ക്ക് അയച്ച ഇമെയിലിന്റെ കോപ്പികളും ഇവര്‍ നല്‍കിയിട്ടുണ്ട്.

English summary

A man has been accused of forcing his wife to have sex with his friends and planning to upload home-made porn videos on the internet, alleged the victim's complaint to a local court