വരാപ്പുഴ പീഡനം: ഇന്ഫോപാര്ക്ക് ടെക്കി പിടിയില്
കൊച്ചി: വരാപ്പുഴ പെണ്വാണിഭക്കേസില് കൊച്ചിന് ഇന്ഫോപാര്ക്കിലെ കമ്പ്യൂട്ടര് എന്ജിനീയറെ കസ്റ്റഡിയിലെടുത്തു. ഹൈദരാബാദ് സ്വദേശി ഭാവേഷാ (30)ണ് പിടിയിലായതെന്നാണ് റിപ്പോര്ട്ടുകള്.
വരാപ്പുഴയിലെത്തി രണ്ടുതവണ ഇയാള് പെണ്കുട്ടിയെ പീഡിപ്പിച്ചതായാണ് ആരോപണം. എന്നാല് കസ്റ്റഡിയിലെടുത്ത വിവരം പോലീസ് സ്ഥിരീകരിച്ചിട്ടില്ല. ഇന്ഫോ പാര്ക്കിന് അടുത്തുള്ള കോഫി ഷോപ്പിലെത്തിയ ഇയാളെ മഫ്ടിയിലെത്തിയ പൊലീസ് സംഘം അറസ്റ്റ് ചെയ്യുകയായിരുന്നു. ഇയാള് കഴിഞ്ഞ ഒരാഴ്ചയായി പൊലീസിന്റെ നിരീഷണത്തിലായിരുന്നുവെന്നും സൂചനയുണ്ട്.
കേസിലെ പ്രധാന പ്രതി ശോഭ ജോണിന്റെ ഏജന്റ് മുഖേനയാണ് ഇയാള് പെണ്കുട്ടിയെപ്പറ്റി അറിഞ്ഞതെന്ന് പറയപ്പെടുന്നു. എന്നാല് ഏജന്റിന്റെ പേര് ഇയാള് ഓര്ക്കുന്നില്ലെന്നാണ് വെളിപ്പെടുത്തിയത്. കഴിഞ്ഞ ദിവസം മറ്റൊരു ഐടി എഞ്ചിനീയറും പൊലീസിന്റെ കസ്റ്റഡിയിലായിരുന്നു.