കുഞ്ഞാലിക്കുട്ടിയോട് ചോദിച്ചത് 108 ചോദ്യങ്ങള്‍

തിരുവനന്തപുരം: ഐസ്‌ക്രീം പെണ്‍വാണിഭ കേസുമായി ബന്ധപ്പെട്ട് മന്ത്രി പി.കെ. കുഞ്ഞാലിക്കുട്ടിയോട് ക്രൈംബ്രാഞ്ച് ചോദിച്ചത് 108 ചോദ്യങ്ങള്‍.

ബന്ധുവായ കെഎ റൗഫ് ഉന്നയിച്ച ആരോപണങ്ങളെക്കുറിച്ചുളള ചോദ്യങ്ങള്‍ക്കു ഒന്നും അറിയില്ലെന്നായിരുന്നു കുഞ്ഞാലിക്കുട്ടിയുടെ മറുപടി. പെണ്‍കുട്ടികളുടെ ആത്മഹത്യയെക്കുറിച്ചുളള ചോദ്യങ്ങള്‍ക്കും മന്ത്രി മറുപടി നല്‍കിയില്ല.

ആവശ്യമെങ്കില്‍ ഇനിയും കുഞ്ഞാലിക്കുട്ടിയെ ചോദ്യം ചെയ്യുമെന്ന് ക്രൈംബ്രാഞ്ച് വൃത്തങ്ങള്‍ അറിയിച്ചു. വ്യാഴാഴ്ച വൈകീട്ടാണ് ക്രൈംബ്രാഞ്ച് പ്രത്യേക സംഘം മന്ത്രിയെ ചോദ്യം ചെയ്തത്. തലസ്ഥാനത്ത് അദ്ദേഹത്തിന്റെ ഔദ്യോഗിക വസതിയില്‍വച്ചായിരുന്നു ചോദ്യം ചെയ്യല്‍.

തന്റെ പ്രതിച്ഛായ തകര്‍ക്കാന്‍ റഊഫും മറ്റു ചിലരും ഗൂഢാലോചന നടത്തിയാണ് ഈ ആരോപണങ്ങള്‍ ചമച്ചതെന്നും കുഞ്ഞാലിക്കുട്ടി പറഞ്ഞതായി ഉദ്യോഗസ്ഥര്‍ വെളിപ്പെടുത്തി. റൗഫിന്റെ വെളിപ്പെടുത്തലിന്റെയും ശേഷമുള്ള പരാതിയുടെയും അടിസ്ഥാനത്തില്‍ കഴിഞ്ഞ സര്‍ക്കാരാണു പ്രത്യേക സംഘത്തെ ചുതമലപ്പെടുത്തിയത്. അന്വേഷണം അവസാന ഘട്ടത്തിലാണ്. ഡിസംബറില്‍ത്തന്നെ കോടതിയില്‍ ഹാജരാക്കും.

ഹൈക്കോടതി ജഡ്ജി ഉള്‍പ്പെടെയുള്ളവര്‍ക്കു കൈക്കൂലി കൊടുത്ത് ഐസ്ക്രീം പാര്‍ലര്‍ കേസ് അട്ടിമറിച്ചെന്നായിരുന്നു റഊഫിന്റെ വെളിപ്പെടുത്തല്‍.

English summary

Crime Branch special team asked 102 questions to Minister PK Kunjalikutty over Ice Cream Parlour sex scandal case,