ഭൂചലനം അണക്കെട്ടില് സമ്മര്ദ്ദമുണ്ടാക്കുന്നു
മുല്ലപ്പെരിയാര് അനുബന്ധ തേക്കടി കൊടൈക്കനാല് ഭ്രംശ മേഖലയെ സംബന്ധിച്ച പഠന റിപ്പോര്ട്ടിലാണ് ഭൂചലനങ്ങള് അണക്കെട്ടിനെ ദുര്ബലമാക്കുന്നുണ്ടെന്ന് കണ്ടെത്തിയിരിക്കുന്നത്. ഭൂചലനത്തെത്തുടര്ന്നുള്ള സമ്മര്ദ്ദം മൂലം അണക്കെട്ടിന്റെ അടിത്തട്ടില് 1.51 ഗ്രാവിറ്റിയുള്ള ആഘാതമുണ്ടായിട്ടുണ്ടെന്ന് റിപ്പോര്ട്ടില് പറയുന്നു. അണക്കെട്ടിന് പൊതുവേ 0.16 ഗ്രാവിറ്റി മര്ദ്ദം നേരിടേണ്ടിവരുന്നുണ്ടെന്നും റിപ്പോര്ട്ടില് പറയുന്നു.
കാവേരി ഭ്രംശ മേഖലയിലെ ചലനങ്ങളും മുല്ലപ്പെരിയാറിനെ ബാധിക്കാമെന്നും പക്ഷേ ഇത് ശക്തികുറഞ്ഞ തോതിലായിരിക്കുമെന്നും റിപ്പോര്ട്ടിലുണ്ട്. അതേസമയം തേക്കടി -കൊടൈക്കനാല് മേഖലയിലുണ്ടാകുന്ന ചലനത്തിന്റെ ആഘാതത്തോളം വരില്ല ഇതെന്നും വ്യക്തമാക്കുന്നു.
നിറഞ്ഞുകിടക്കുന്ന അണക്കെട്ടുകളില് നിന്നുള്ള ഭൂഗര്ഭ ജലത്തിന്റെ സമ്മര്ദം ഹൈറേഞ്ചില് ഭൂകമ്പത്തിന് കാരണമാകുന്നതായി ബാംഗ്ലൂര് ഇന്ത്യന് ഇന്സ്റ്റിറ്റിയൂട്ട് ഓഫ് സയന്സിലെ ഭൂകമ്പ വിഭാഗം നേരത്തേ കണ്ടെത്തിയിരുന്നു.
ഭൂകമ്പ സാധ്യതയുള്ള ലോകത്തിലെ പ്രധാന ഒമ്പത് അണക്കെട്ടുകളിലൊന്ന് ഇടുക്കിയാണെന്ന് പ്രമുഖ സീസ്മോളജിസ്റ്റ് ഹര്ഷ് കെ.ഗുപ്തയും വ്യക്തമാക്കിയിട്ടുണ്ട്.
Click it and Unblock the Notifications
Sign in with Google