തമിഴ്നാട് ലോറി ആക്രമിച്ചു; ഭദ്രാനന്ദ കുടുങ്ങി
ദേശീയപാതയില് കുണ്ടറയ്ക്ക് സമീപം ആറുമുറിക്കടയിലാണ് തിങ്കളാഴ്ച രണ്ടു ലോറികള് ആക്രമിയ്ക്കപ്പെട്ടത്. മുല്ലപ്പെരിയാര് പ്രശ്നത്തില് മലയാളികള് ആക്രമിയ്ക്കപ്പെടുന്നതില് പ്രതിഷേധിച്ചായിരുന്നു സ്വാമിയും സംഘവും ലോറിയുടെ ചില്ലുകള് തകര്ക്കുകയും താക്കോല് ഊരി വാങ്ങുകയും ചെയ്തത്.
സ്വാമിയ്ക്ക് പുറമേ ഡ്രൈവര് ഭരതന്നൂര് അഖിലേഷ് ഭവനില് അരുണും അറസ്റ്റിലായിട്ടുണ്ട്. സംഭവവുമായി ബന്ധപ്പെട്ട് കുണ്ടറ സ്വദേശിയായ അഭിഭാഷകനടക്കം മറ്റു നാലു പേര്ക്കായി പൊലീസ് തിരച്ചില് നടത്തുന്നുണ്ട്.
അഭിഭാഷകന് നിര്മ്മിയ്ക്കുന്ന ടെലിവിഷന് സീരിയലിന്റെ ആവശ്യത്തിനായാണ് ഭദ്രാനന്ദ കുണ്ടറയിലെത്തിയതെന്നാണ് പൊലീസ് പറയുന്നത്. ലോറിയുടെ ചില്ലു തകര്ത്തത് ചോദ്യം ചെയ്യാനെത്തിയ സമീപവാസിയായ ഒരാളെ സ്വാമിയുടെ നേതൃത്വത്തിലുള്ള സംഘം കയ്യേറ്റം ചെയ്തതായും പരാതിയുണ്ട്. മുന്പ് ആലുവ പൊലീസ് സ്റ്റേഷനില് തോക്കു ചൂണ്ടി വിവാദം സൃഷ്ടിച്ചയാളാണ് ഹിമവല്മഹേശ്വര ഭദ്രാനന്ദ.
Click it and Unblock the Notifications
Sign in with Google