സന്തോഷ് മാധവന്റെ പരാതി; അരുണിനെതിരെ കേസില്ലേ?

കൊച്ചി: നിലം നികത്തുന്നതിനായി വിഎസ് അച്യുതാനന്ദന്റെ മകന്‍ അരുണ്‍കുമാര്‍ 70 ലക്ഷത്തോളം രൂപ കൈക്കൂലി വാങ്ങിയെന്ന സന്തോഷ് മാധവന്റെ പരാതിയില്‍ എന്തുകൊണ്ട് കേസെടുത്തില്ലെന്ന് ഹൈക്കോടതി. . ഇക്കാര്യത്തില്‍ ഡിസംബര്‍ 22നകം വിശദീകരണം നല്‍കണമെന്നും കോടതി സര്‍ക്കാരിനോട് ആവശ്യപ്പെട്ടു.

ആക്റ്റിങ് ചീഫ് ജസ്റ്റിസ് മഞ്ജുള ചെല്ലൂരും ജസ്റ്റിസ് പി.ആര്‍. രാമചന്ദ്രനും അടങ്ങുന്ന ബഞ്ചിന്റേതാണ് ഉത്തരവ്. വൈക്കത്തിനടുത്ത് ഏക്കര്‍ കണക്കിനു ഭൂമി നികത്തുന്നതിനു വേണ്ടി വിഎസ് അച്യുതാനന്ദന്റെ മകന്‍ അരുണ്‍കുമാര്‍ ലക്ഷക്കണക്കിനു രൂപ കൈക്കൂലി വാങ്ങിയെന്നാണ് സന്തോഷ് മാധവന്‍ വിജിലന്‍സിന് പരാതി നല്‍കിയത്.

കേസില്‍ 75ഓളം സാക്ഷികളുടെ മൊഴി രേഖപ്പെടുത്തുകയും രേഖകള്‍ പിടിച്ചെടുക്കുകയും ചെയ്തിരുന്നു. എന്നിട്ടും എന്തുകൊണ്ട് കേസെടുത്തില്ലെന്നായിരുന്നു കോടിതിയുടെ ചോദ്യം.

English summary

The Kerala High Court asked the state government why a case has not been registered against opposition leader V S Achuthanandan’s son Arun Kumar on the complaint lodged by godman Santhosh Madhavan to the vigilance that he had allegedly paid Rs 70 lakhs to him for getting necessary permission to fill about 200 acres of wetland in Kottayam.