നഗ്ന ചിത്രം നെറ്റില്; ടെക്കി പിടിയില്
മുംബൈ: സുഹൃത്തായ യുവതിയുടെ നഗ്ന ചിത്രം സോഷ്യല് നെറ്റ് വര്ക്കിങ് സൈറ്റില് പോസ്റ്റ് ചെയ്ത എഞ്ചിനീയറിങ് വിദ്യാര്ഥി കുടുങ്ങി. സ്വാപ്നില് ബലിറാം എന്ന ഇരുപത്തഞ്ചുകാരനാണ് മുംബൈ പൊലീസിന്റെ പിടിയിലായത്.
യുവതിയും ബലിറാമും ഒരു കൊളേജില് ആണ് ബിരുദ പഠനം നടത്തിയത്. അവിടെ വച്ച് ഇരുവരും സുഹൃത്തുക്കളായി. പിന്നീടൊരു ദിവസം ബലിറാം യുവതിയ്ക്ക് മയക്കു മരുന്ന് നല്കുകയും തന്റെ അടുത്തുള്ള ഒരു ലോഡ്ജില് കൊണ്ടു പോയി യുവതിയുടെ നഗ്നചിത്രമെടുക്കുകയും ചെയ്തു.
പിന്നീട് യുഎസില് തുടര്പഠനത്തിനായി പോയ ബലിറാം അവിടെ നിന്ന് യുവതയോട് ഒന്നര ലക്ഷം രൂപ ആവശ്യപ്പെട്ടു. പണം ലഭിച്ചില്ലെങ്കില് യുവതിയുടെ നഗ്നചിത്രം സോഷ്യല് നെറ്റ് വര്ക്കിങ് സൈറ്റില് പൊസ്റ്റ് ചെയ്യുമെന്ന് ഇയാള് ഭീഷണിപ്പെടുത്തി. എന്നാല് യുവതി പണം നല്കാന് തയ്യാറായില്ല.
പിന്നീട് തന്റെ നഗ്നചിത്രം ഒരു സോഷ്യല് നെറ്റ് വര്ക്കിങ് സൈറ്റില് പോസ്റ്റ് ചെയ്യപ്പെട്ടിരിയ്ക്കുന്നതായി അറിഞ്ഞ യുവതി പൊലീസില് പരാതിപ്പെടുകയായിരുന്നു. എന്നാല് ബലിറാമിനായി തിരച്ചില് നടത്തിയ പൊലീസിന് ഇയാള് അമേരിക്കയിലാണെന്ന് വിവരം ലഭിച്ചു. ഞായറാഴ്ച ഇയാള് മുംബൈ എയര്പോര്ട്ടില് എത്തുമെന്ന് വിവരം ലഭിച്ച പൊലീസ് അവിടെയെത്തി ഇയാളെ അറസ്റ്റ് ചെയ്യുകയായിരുന്നു