കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നടി സംഗീത മോഹനെ നാട്ടുകാര്‍ തടഞ്ഞുവച്ചു

  • By Ajith Babu
Google Oneindia Malayalam News

Sangeetha Mohan
കരുനാഗപ്പള്ളി: നടി സംഗീതമോഹന്‍ ഓടിച്ച കാറിടിച്ച്
വീണ ബൈക്ക് യാത്രികന്‍ ലോറി കയറി മരിച്ച സംഭവത്തില്‍ നടിയ്‌ക്കെതിരെ നാട്ടുകാരുടെ പ്രതിഷേധം. കഴിഞ്ഞ ബുധനാഴ്ച രാത്രി കരുനാഗപ്പള്ളിയിലാണ് തഴവ കുതിരപ്പന്തി കൊച്ചുകളീക്കല്‍ വീട്ടില്‍ ഷിബു (43) ആണ് അപകടത്തില്‍ മരിച്ചത്.

സംഭവവുമായി ബന്ധപ്പെട്ട് കരുനാഗപ്പള്ളി പൊലീസ് സ്റ്റേഷനില്‍ ജാമ്യമെടുക്കാനെത്തിയപ്പോഴാണ് നാട്ടുകാര്‍ സംഗീതയ്‌ക്കെതിരെ തിരിഞ്ഞത്. ഇവരെ കേസില്‍ നിന്നും രക്ഷപ്പെടുത്താന്‍ ശ്രമം നടത്തുന്നുണ്ടെന്നും നാട്ടുകാര്‍ ആരോപിച്ചു.

ബുധനാഴ്ച രാത്രി കായകുളം ഭാഗത്ത് നിന്നും തിരുവനന്തപുരത്തേക്ക് പോകുകയായിരുന്നു സംഗീതാ മോഹന്റെ കാര്‍ ഷിബുവിന്റെ ബൈക്കില്‍ ഇടിക്കുകയായിരുന്നു. ഇടിയുടെ ആഘാതത്തില്‍ തെറിച്ചുവീണ ഷിബുവിന്റെ ശരീരത്തില്‍ എതിരെ വന്ന ലോറി കയറിയറിങ്ങുകയായിരുന്നു ഷിബുവിനെ ഉടനെ തന്നെ കരുനാഗപ്പള്ളി താലൂക്ക് ആശുപത്രിയിലും പിന്നീട് തിരുവനന്തപുരം മെഡിക്കല്‍ കോളേജ് ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല.

അപകടം സംഭവിച്ചിട്ടും നിര്‍ത്താതെ പോയ കാര്‍ പിന്നീട് പൊലീസ് കസ്റ്റഡിയിലെടുക്കുകയായിരുന്നു. സംഗീത മോഹന്റെ െ്രെഡവറായിരുന്നു കാര്‍ ഓടിച്ചിരുന്നതെന്ന് പറയുന്നുണ്ടെങ്കിലും ഇക്കാര്യത്തില്‍ അവ്യക്തകള്‍ തുടരുകയാണ്. ഇരുവരും മദ്യപിച്ചിരുന്നോയെന്ന് പരിശോധിയ്ക്കാന്‍ പൊലീസ് തയാറായില്ലെന്നും ആക്ഷേപമുണ്ട്.

ജാമ്യമെടുക്കാന്‍ സ്റ്റേഷനിലെത്തിയ സംഗീതയെ നാട്ടുകാര്‍ തടഞ്ഞപ്പോള്‍ പൊലീസ് ഇടപെട്ടാണ് രംഗം ശാന്തമാക്കിയത്. നേരത്തെ നടി മദ്യപിച്ച് ലക്കുകെട്ട് വാഹനമോടിച്ചതിന് പോലീസ് പിടിയിലായിരുന്നു. കാറിനുള്ളില്‍ നിന്ന് വിദേശ മദ്യ കുപ്പികളും അന്ന് കണ്ടെത്തിയിരുന്നു. ഒരു രാത്രി സ്‌റ്റേഷനില്‍ കഴിഞ്ഞ സംഗീതാ മോഹന്‍ പിഴ അടച്ച് രക്ഷപ്പെടുകയായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X