രാഹുല്‍ ഈശ്വറിനെതിരെ തന്ത്രി മോഹനര്

ശബരിമല: ശബരിമല ക്ഷേത്രവുമായി ബന്ധപ്പെട്ട് വിവാദത്തിലകപ്പെട്ട രാഹുല്‍ ഈശ്വറിനെതിരെ തന്ത്രി കണ്ഠര് മോഹനര് രംഗത്ത്.

താന്ത്രിക വിഷയങ്ങളില്‍ രാഹുല്‍ ഈശ്വര്‍ പറയുന്ന കാര്യങ്ങള്‍ താഴമണ്‍ മഠത്തിന്റെ അഭിപ്രായമല്ലെന്നും അതു പറയേണ്ടത് ശബിമലയിലെ താന്ത്രിക അവകാശമുള്ളവര്‍ മാത്രമാണെന്നും മോഹനര് പറഞ്ഞു.

തീര്‍ഥാടന കാലത്ത് അനാവശ്യ വിവാദങ്ങള്‍ ഉണ്ടാക്കരുതെന്നു പലതവണ പറഞ്ഞിട്ടും രാഹുല്‍ കേള്‍ക്കുന്നില്ലെന്നും രാഹുലിന്റെ അമ്മാവന്‍ കൂടിയായ മോഹനര് ആരോപിച്ചു.

മകരവിളക്കു തെളിയിക്കാന്‍ പൊന്നമ്പലമേട്ടിലേക്ക് മല അരയ സമുദായത്തിന്റെ ജാഥ നയിക്കാന്‍ രാഹുല്‍ നേതൃത്വം നല്‍കിയതും താഴമണ്‍ മഠത്തില്‍ നിന്നു പറഞ്ഞിട്ടല്ല. സ്വന്തം നിലയിലാണു രാഹുല്‍ അതു ചെയ്തത്- അദ്ദേഹം പറഞ്ഞു.

ഞായറാഴ്ച രാവിലെ പത്തിനാണ് മല അരയ സംയുക്ത സമിതി നേതൃത്വത്തില്‍ കാളകെട്ടി ശിവപാര്‍വതി ക്ഷേത്ര പരിസരത്തുനിന്നു മകര ദീപ പ്രയാണം മുന്‍കൂട്ടി നിശ്ചയിച്ച പ്രകാരം ആരംഭിച്ചത്.

മകര വിളക്ക് തെളിക്കാനുള്ള അവകാശം മല അരയര്‍ക്കാണെന്നു ചൂണ്ടിക്കാട്ടിയാണ് ഇവര്‍ പ്രയാണം നടത്തിയത്. എന്നാല്‍ കാളകെട്ടിയില്‍ പൊലീസ് പ്രയാണം തടയുകയായിരുന്നു. രാഹുലാണ് ഇതിന് പിന്നിലെന്ന രീതിയില്‍ റിപ്പോര്‍ട്ടുകളുണ്ടായിരുന്നു.

English summary

Thantri Kandararu Mohanaru said that Thazhaman Madom is does not answerable for the controversies created by Rahul Easwar and he also said that nefew Rahul is creating problems unnecessarily,