പഞ്ചായത്ത് അംഗം സാരി വലിച്ചുകീറിയെന്ന് വിഇഒ
തൊടുപുഴ: വനിത വില്ലേജ് എക്സ്റ്റന്ഷന് ഓഫീസറെ(വിഇഒ) സിപിഎമ്മിന്റെ പഞ്ചായത്ത് അംഗവും സംഘവും തടഞ്ഞുവച്ച് കയ്യേറ്റം ചെയ്യുകയും സാരി വലിച്ചുകീറുകയും ചെയ്തതായി പരാതി.
പരുക്കേറ്റ വിഇഒ എം.യു. സലീന, പഞ്ചായത്ത് അംഗം സി.പി. രാമചന്ദ്രന് എന്നിവര് ചികിത്സയിലാണ്. കരിമണ്ണൂര് പഞ്ചായത്തിലെ കുടുംബശ്രീ സിഡിഎസ് തിരഞ്ഞെടുപ്പുമായി ബന്ധപ്പെട്ട് തിങ്കളാഴ്ച ഉച്ചയ്ക്കായിരുന്നു സംഭവം നടന്നത്.
വാര്ഡിലെ കുടുംബശ്രീ യൂണിറ്റ് റജിസ്റ്റര് ചെയ്യാത്തതിനെക്കുറിച്ച് ചോദിക്കാനെത്തിയപ്പോള് വിഇഒയുടെ ഭര്ത്താവ് അകാരണമായി മര്ദിക്കുകയായിരുന്നുവെന്നാണ് പഞ്ചായത്ത് അംഗവും പാര്ട്ടി പ്രവര്ത്തകരും പറയുന്നത്.
14ാം വാര്ഡിലെ ഒരു യൂണിറ്റില്, പത്തില് താഴെ അംഗങ്ങളുള്ളതിനാല് അവരെ തിരഞ്ഞെടുപ്പില് മത്സരിക്കുന്നതില് നിന്ന് ഒഴിവാക്കി. ഒഴിവാക്കിയതിന്റെ കാരണം എഴുതി നല്കണമെന്ന് ആവശ്യപ്പെട്ട് സംഘമായെത്തിയവര് കുടുംബശ്രീ ഓഫിസിലേക്ക് തള്ളിക്കയറിയ ശേഷം തടഞ്ഞുവയ്ക്കുകയായിരുന്നെന്ന് വിഇഒ സലീന പറഞ്ഞു.
പഞ്ചായത്തംഗം രാമചന്ദ്രന്റെ നേതൃത്വത്തില് കണ്ടാല് അറിയാവുന്ന ആറോളം പേരാണ് എത്തിയതെന്നും ഇവര് പറയുന്നു.
വിവരം അറിഞ്ഞ് ഫയര്ഫോഴ്സ് ഉദ്യോഗസ്ഥന് കൂടിയായ സലീനയുടെ ഭര്ത്താവ് നാസര് സ്ഥലത്തെത്തി. പ്രശ്നം പറഞ്ഞ് തീര്ക്കാമെന്ന് പറഞ്ഞ നാസറിനെ പ്രവര്ത്തകര് കയ്യേറ്റം ചെയ്യാന് ശ്രമിക്കുകയായിരുന്നെന്ന് വിഇഒ പറയുന്നു.
കരിമണ്ണൂര് പൊലിസ് സലീനയുടെയും ഭര്ത്താവിന്റെയും മൊഴി രേഖപ്പെടുത്തി. തുടര്ന്ന് പ്രാഥമിക ആരോഗ്യ കേന്ദ്രത്തില് പ്രവേശിപ്പിച്ചു. സിപിഎം പ്രവര്ത്തകര് സലീനയുടെ വീട്ടിലെത്തി നേരത്തെ ഭീഷണി മുഴക്കിയതായും ആരോപണമുണ്ട്.
ഓഫിസില് കയറി വനിതാ ഉദ്യോഗസ്ഥയെ മര്ദിക്കുകയും ഓഫിസ് പ്രവര്ത്തനം തടസ്സപ്പെടുത്തുകയും ചെയ്ത സംഭവത്തില് പഞ്ചായത്തംഗം രാമചന്ദ്രനെതിരെ ഉള്പ്പെടെ നാലു പേര്ക്കതിരെ കേസെടുത്തതായി കരിമണ്ണൂര് പൊലീസ് പറഞ്ഞു
എന്നാല്, നാസര് തന്നെ മര്ദിച്ചെന്ന് ആരോപിച്ച് രാമചന്ദ്രന് ഓഫിസില് കിടന്ന് പ്രതിഷേധിച്ചു. തുടര്ന്ന് പൊലീസ് എത്തി രാമചന്ദ്രനെ സഹകരണ ആശുപത്രിയില് പ്രവേശിപ്പിച്ചു.
പഞ്ചായത്തംഗത്തെ മര്ദിച്ചെന്ന പരാതിയില് നാസറിനെതിരെയും സലീനയ്ക്കെതിരെയും കേസെടുത്തു. സംഭവത്തില് പ്രതിഷേധിച്ച് സിപിഎമ്മിന്റെ നേതൃത്വത്തില് വൈകിട്ടു കരിമണ്ണൂരില് പ്രകടനം നടത്തി.
-
ആഡംബരവസ്തുക്കള് സ്വന്തമാക്കും, മാതാവിന്റെ അസുഖങ്ങള് മൂര്ച്ഛിക്കും, വിദേശയാത്രയ്ക്ക് അവസരം, നാൾഫലം -
'രഞ്ജിത്ത് ആ സ്ത്രീക്ക് ഞങ്ങളൊക്കെ നോക്കി നിൽക്കെ ഉമ്മ കൊടുത്തു, മുറിയിലേക്ക് കയറി';ശാന്തിവിള ദിനേശ് -
സോഷ്യൽ മീഡിയ താരം 'ഗുണ്ട ബിനു' അന്തരിച്ചു; കുറിപ്പുമായി നടി സ്നേഹ ശ്രീകുമാർ -
'ദിലീപ് മണ്ടനായിരിക്കും.. ഉടൻ വരും ആ മഹാൻ വിഗ്ഗും റോസ് പൗഡറും ഇട്ട്, തെറി വിളിപ്പിക്കും';ശാന്തിവിള ദിനേശ് -
സഹനത്തിന്റെയും ഉയർത്തെഴുന്നേൽപ്പിന്റെയും ഈസ്റ്റർ; നേരാം കുടുംബത്തിനും മാലോകർക്കും ആശംസകൾ -
സ്വർണ വിലയിൽ 17 ശതമാനത്തിൻ്റെ ഇടിവ്; ഇനിയൊരു തിരിച്ചുവരവ് ഇല്ലേ? തിരിച്ചടിക്കുള്ള കാരണങ്ങൾ -
ബിഗ് ടിക്കറ്റിൽ വീണ്ടും മലയാളി തിളക്കം; അതും 50 കോടി രൂപയുടെ വമ്പൻ സമ്മാനം..! ഷാജിക്ക് ഭാഗ്യനേട്ടം -
അബിൻ-വീണ പോരാട്ടം പ്രവചനാതീതം, റോഷി അഗസ്റ്റിൻ തോൽക്കും, കടന്നപ്പള്ളിക്ക് വെല്ലുവിളി, പ്രവചിച്ച് സർവേ -
പവർഫുൾ കുബേര യോഗം വിഷു ദിനത്തിൽ; ഈ രാശിക്കാരിലേക്ക് പണം ഒഴുകിവരും, നല്ല ജോലി കിട്ടും..! -
സംസ്ഥാനത്ത് നാല് ജില്ലകളിൽ ശക്തമായ മഴയ്ക്ക് സാധ്യത; യെല്ലോ അലർട്ട്, കാറ്റ് വീശിയേക്കും, ഇടിമിന്നൽ സൂക്ഷിക്കുക -
അമേരിക്കക്ക് വൻ തിരിച്ചടി; 24 മണിക്കൂറിനിടെ രണ്ടാമത്തെ യുദ്ധവിമാനവും ഇറാൻ തകർത്തു -
ബെംഗളൂരുവിലെ ഗതാഗത കുരുക്ക് ഇനി സ്വപ്നം മാത്രം; മെഹ്ക്രി സർക്കിളിൽ ഫ്ലൈഓവർ വരുന്നു, ചിലവ് 420 കോടി!
Click it and Unblock the Notifications
Sign in with Google