സുരേഷ് കല്മാഡിയ്ക്ക് ജാമ്യം അനുവദിച്ചു
2011 ഏപ്രില് മാസത്തില് അറസ്റ്റിലായ കല്മാഡി ഒന്പത് മാസമായി തീഹാര് ജയിലില് കഴിയുകയായിരുന്നു. കല്മാഡിയ്ക്കൊപ്പം ഒളിമ്പിക് കമ്മിറ്റി മുന് ഡയറക്ടര് ജനറല് വി.കെ വര്മ്മയ്ക്കും ജാമ്യം ലഭിച്ചു.
കോമണ്വെല്ത്ത് ഗെയിംസ് നടത്തിപ്പിന് വിവിധ കമ്പനികള്ക്ക് കരാര് നല്കിയതിലെ ക്രമക്കേടും അഴിമതിയുമാണ് ഒളിമ്പിക് കമ്മിറ്റി മുന് ചെയര്മാനും കോണ്ഗ്രസ് എം.പിയുമായ കല്മാഡിക്ക് വിനയായത്. 90 കോടി രൂപ സര്ക്കാര് ഖജനാവിന് നഷ്ടം വരുത്തിയെന്നാണ് കേസ്.
സ്പെക്ട്രം കേസിലെ പ്രതികള്ക്ക് ജാമ്യം അനുവദിച്ച സാഹചര്യത്തില് തനിക്കും ജാമ്യം അനുവദിക്കണമെന്നാവശ്യപ്പെട്ടാണ് കല്മാഡി ദല്ഹി ഹൈക്കോടതിയെ സമീപിച്ചത്.
തനിക്കെതിരെയുള്ള കുറ്റപത്രം സമര്പ്പിച്ചുകഴിഞ്ഞെന്നും വിചാരണ നടപടികള് വേഗത്തില് ആരംഭിക്കാനുള്ള സഹാചര്യം ഇപ്പോഴില്ലെന്നും കല്മാഡി ചൂണ്ടിക്കാട്ടി. എന്നാല് വിചാരണ ഉടന് ആരംഭിക്കുമെന്ന് ജാമ്യാപേക്ഷയെ എതിര്ത്തുകൊണ്ട് സിബിഐ കോടതിയെ അറിയിച്ചു.
Click it and Unblock the Notifications
Sign in with Google