ഗണേഷ് പുതിയ പാര്ട്ടിയുണ്ടാക്കുന്നു?
ഗണേഷിനെ അനുകൂലിക്കുന്നവര് ചേര്ന്ന് കഴിഞ്ഞ ദിവസം ഗണേഷിന്റെ പേരില് ഒരു സാംസ്കാരിക സംഘടനയ്ക്ക് രൂപം നല്കിയിരുന്നു. ഇത് പുതിയ പാര്ട്ടി രൂപീകരണത്തിന്റെ ആദ്യപടിയാണെന്നാണ് രാഷ്ട്രീയ നിരീക്ഷകര് കരുതുന്നത്.
ഇതോടെ കേരള കോണ്ഗ്രസ്(ബി) പിളര്പ്പിലേക്ക് നീങ്ങുകയാണെന്ന കാര്യം ഏറെക്കുറെ വ്യക്തമായിരിക്കുകയാണ്. കേരള കോണ്ഗ്രസ് ബിയ്ക്ക് ഏറെ സ്വാധീനമുള്ളത് കൊല്ലത്താണ്. ഇവിടെത്തന്നെയാണ് ഭിന്നതയും രൂക്ഷമായിരിക്കുന്നത്. പോര് അച്ഛനും മകനും തമ്മിലായത് ഇതിന്റെ തീവ്രത വര്ധിപ്പിക്കുകയും ചെയ്യുന്നു.
പാര്ട്ടിയില് പിള്ളയ്ക്ക് പ്രിയപ്പെട്ടവരായുള്ള ആളുകളെ ഗണേഷ് കണക്കിലെടുക്കാത്തതാണ് ഇവര് തമ്മിലുള്ള അഭിപ്രായവ്യത്യാസങ്ങള്ക്ക് ഒരു പ്രധാനകാരണം. ഇക്കാര്യത്തില് പിള്ളയുടെ വഴിയ്ക്ക് വരാന് ഗണേഷ് തയ്യാറല്ല. അങ്ങനെയെങ്കില് ഗണേഷ് പാര്ട്ടിയില് വേണ്ടെന്ന നിലപാടാണ് പിള്ളയുടേതെന്നാണ് സൂചന.
കഴിഞ്ഞ ദിവസം നടന്ന പാര്ട്ടി സംസ്ഥാന സമിതിയോഗത്തില് വൈസ് ചെയര്മാന് സ്ഥാനത്ത് നിന്ന് ഗണേശിനെ ഒഴിവാക്കിയിരുന്നു. ഇതിനെത്തുടര്ന്നാണ് പിള്ളയും ഗണേശും തമ്മിലുള്ള പ്രശ്നം രൂക്ഷമായത്.