• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മലയാളി വ്യവസായിയുടെ ദാവൂദ് ബന്ധം അന്വേഷിക്കുന്നു

  • By Ajith Babu

ദില്ലി: മുംബൈ സ്‌ഫോടന പരമ്പരകളടക്കം ഒട്ടേറെ തീവ്രവാദി അക്രമങ്ങളുടെ മുഖ്യ ആസൂത്രകനായ അധോലോക നായകന്‍ ദാവൂദ് ഇബ്രാഹിമുമായി കേരളത്തിലെ ഒരു ബിഷപ്പിനും രണ്ടു വിവാദ വ്യവസായികള്‍ക്കും ബന്ധമുണ്ടെന്ന് കേന്ദ്ര രഹസ്യാന്വേഷണ ഏജന്‍സികളുടെ റിപ്പോര്‍ട്ട്.

പത്രവ്യവസായം മുതല്‍ റിയല്‍ എസ്‌റ്റേറ്റ് ബിസിനസില്‍വരെ ഉള്‍പ്പെട്ടിട്ടുള്ള ഈ വിവാദ മലയാളി വ്യവസായിയുടെ അധോലോകബന്ധത്തെക്കുറിച്ച് അന്വേഷിക്കാന്‍ കേന്ദ്രം നിര്‍ദ്ദേശം നല്‍കിക്കഴിഞ്ഞു. വിവാദ വ്യവസായിയുടെ ബിസിനസ് പങ്കാളിയായ തിരുവനന്തപുരത്തെ സ്വര്‍ണവ്യാപാരി, മധ്യതിരുവിതാംകൂറിലെ ഒരു ബിഷപ് എന്നിവരെക്കുറിച്ചും അന്വേഷിയ്ക്കാന്‍ കേരളം അടക്കം നാല് ദക്ഷിണേന്ത്യന്‍ സംസ്ഥാനങ്ങള്‍ക്ക് കേന്ദ്രം നിര്‍ദ്ദേശം നല്‍കിയിട്ടുണ്ട്.

ഹവാലയിലൂടെയും പാക് നിര്‍മ്മിത കള്ളനോട്ടായും എത്തുന്ന ദാവൂദിന്റെ പണം കേരളത്തിലും മറ്റ് ദക്ഷിണേന്ത്യന്‍ സംസ്ഥാനങ്ങളിലും നിക്ഷേപിക്കുന്നത് മലയാളി വ്യവസായി മുഖേനയാണെന്ന് കേന്ദ്ര ആഭ്യന്തരമന്ത്രി പി ചിദംബരത്തിന് പരാതി ലഭിച്ചിരുന്നു. ഒരു സ്വര്‍ണവ്യാപാരിക്കും ഈ ഇടപാടില്‍ പങ്കുണ്ടെന്ന സംശയവും പരാതിയില്‍ പ്രകടിപ്പിച്ചിട്ടുണ്ട്.

ദാവൂദിന് കേരളവുമായി പല തരത്തില്‍ ബന്ധമുണ്ടെന്ന് രഹസ്യാന്വേഷണ ഏജന്‍സികള്‍ നേരത്തേ തന്നെ കണ്ടെത്തിയിരുന്നു. സഹായികള്‍ മുഖേന കേരളത്തില്‍ പല ഭാഗങ്ങളിലും ദാവൂദ് ബിനാമി പേരുകളില്‍ ഭൂമി വാങ്ങിക്കൂട്ടുന്നുവെന്നാണ് ഒരു കണ്ടെത്തല്‍. കേരളത്തിന്റെ മാധ്യമ-റിയല്‍ എസ്‌റ്റേറ്റ് മേഖലയില്‍ സ്വാധീനമുറപ്പിച്ച വിവാദ വ്യവസായിക്ക് സിംഗപ്പൂരിലും ചെന്നൈയിലും ബിസിനസ് സ്ഥാപനങ്ങളുണ്ട്.

English summary
The centre has ordered a probe on the underworld connection of a Malayali businessman whose business kingdom ranges from newspaper to real estate.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more