ഹോണ്ടുറാസ് ജയിലില്‍ തീപ്പിടുത്തം, 350 മരണം

കൊമായഗ്വ: ഹോണ്ടുറാസിലെ ജയിലിലുണ്ടായ തീപ്പിടുത്തത്തില്‍ 350 പേര്‍ മരിച്ചതായി റിപ്പോര്‍ട്ട്. മധ്യ ഹോണ്ടുറാസിലെ കോമയഗ്വയിലുള്ള ജയിലിലാണ് അഗ്നിബാധയുണ്ടായത്.

ഭൂരിഭാഗം പേരും സെല്ലിനുള്ളിലായതിനാലാണ് മരണസംഖ്യ ഇത്രയും ഉയര്‍ന്നത്. കെട്ടിടത്തിനു മുകളില്‍ നിന്നു താഴേക്ക് ചാടിയും മേല്‍ക്കൂര ഇടിച്ചുപൊളിച്ചും ചിലര്‍ രക്ഷപ്പെട്ടിട്ടുണ്ട്.

അപകടകാരണം വ്യക്തമായിട്ടില്ല. ജയിലിനുള്ള വിമതനീക്കം നടത്തുന്ന വിഭാഗത്തിന്റെ അട്ടിമറി ശ്രമമാകാനുള്ള സാധ്യത തള്ളികളയാനാവില്ലെന്ന സൂചനകളും സജീവമാണ്. അപകടം മുതലാക്കി നിരവധി തടവുകാര്‍ രക്ഷപ്പെട്ടതായി അഗ്നിശമന സേനാപ്രവര്‍ത്തകര്‍ റിപ്പോര്‍ട്ട് ചെയ്തു. പരിക്കേറ്റവരെ ടെഗുസിഗാല്‍പയിലുള്ള ആശുപത്രികളില്‍ പ്രവേശിപ്പിച്ചിരിക്കുകയാണ്.

English summary

A fire has swept through a prison in Honduras, leaving dozens of inmates dead and others injured, officials say.