ഇസ്രായേല് എംബസി ആക്രമിച്ചത് ഹുജി?
ദില്ലി: ഇസ്രായേല് എംബസി വാഹനത്തില് സ്ഫോടനം നടത്തിയതിന് പിന്നില് ബംഗ്ലാദേശ് കേന്ദ്രീകരിച്ചുള്ള ഭീകരസംഘടനയായ ഹര്ക്കത്ത് ഉള് ജിഹാദ് ഇ ഇസ്ലാമി(ഹുജി) ആണെന്ന് സംശയിക്കുന്നു.
ബംഗ്ലാദേശിലെ കോക്സ് ബസാറിലെ സാറ്റലൈറ്റ് ഫോണില് നിന്ന് ദില്ലിയിലെ സെല്ഫോണിലേയ്ക്ക് വന്ന കോളുകളാണ് ഇത്തരത്തിലൊരു സംശയം ഉടലെടുക്കാന് കാരണം.
സ്ഫോടനം നടക്കുന്നതിന് ഒരാഴ്ച മുന്പും സ്ഫോടനം നടന്ന ദിവസവും ദില്ലിയിലേയ്ക്ക് കോള് വന്നിട്ടുണ്ട്. എന്നാല് സ്ഫോടനം നടന്നതിന് ശേഷം ഈ ഫോണ് സ്വിച്ച്ഡ് ഓഫ് ആണ്.
ഹുജി, ലക്ഷര് ഇ തൊയ്ബ, ഇന്ത്യന് മുജാഹിദ്ദീന് തുടങ്ങിയ തീവ്രവാദ സംഘടനകള് അവയുടെ ഇന്ത്യയിലെ പ്രവര്ത്തനങ്ങള് ഏകോപിപ്പിക്കാനായാണ് സാറ്റലൈറ്റ് ഫോണ് ഉപയോഗിക്കുന്നതെന്ന് ഇന്റലിജന്സ് വൃത്തങ്ങള്ക്ക് വിവരം ലഭിച്ചിരുന്നു.
Click it and Unblock the Notifications
Sign in with Google