അഞ്ചംഗ കൊള്ളസംഘം ഏറ്റുമുട്ടലില് കൊല്ലപ്പെട്ടു
ബുധനാഴ്ച പുലര്ച്ചെ ഒരു മണിയോടെ ചെന്നൈ വേളാച്ചേരിയില് ആണ് പൊലീസും കൊള്ളക്കാരും തമ്മില് ഏറ്റുമുട്ടല് നടന്നത്. മരിച്ചവരെ തിരിച്ചറിഞ്ഞിട്ടില്ല. കൊല്ലപ്പെട്ടവര് ബിഹാര് സ്വദേശികളാണ്. എല്ലാവരും യുവാക്കളാണ്.
രഹസ്യവിവരം ലഭിച്ചതിനെ തുടര്ന്ന് വേളച്ചേരിയിലെ വണ്ടിക്കാരന് സ്ട്രീറ്റില് കൊള്ളക്കാര് ഒളിച്ചിരിക്കുകയായിരുന്ന വീട് പൊലീസ് സംഘം വളഞ്ഞതോടെയാണ് ഏറ്റുമുട്ടലുണ്ടായത്. കീഴടങ്ങാന് പൊലീസ് ആവശ്യപ്പെട്ടെങ്കിലും കൊള്ളക്കാര് വെടിയുതിര്ക്കുകയായിരുന്നു. തുടര്ന്ന് പൊലീസ് പ്രത്യാക്രമണം നടത്തി. ഏറ്റുമുട്ടല് ഒരു മണിക്കൂര് നീണ്ടുനിന്നു.
ഫിബ്രവരി 20ന് ഇന്ത്യന് ഓവര്സീസ് ബാങ്കിന്റെ കീഴക്കട്ടലൈ ശാഖ കൊള്ളയടിച്ച് 14 ലക്ഷം രൂപയും ജനവരി 23ന് ബാങ്ക് ഓഫ് ബറോഡയുടെ പെരുങ്കുടി ശാഖയില് നിന്ന് 18 ലക്ഷം രൂപയും ഇവര് കൊള്ളയടിച്ചിരുന്നു. രണ്ടു കൊള്ളകളും ഉച്ചയ്ക്ക് ഒരു മണിക്കാണ് നടന്നത്. രണ്ടിടത്തും തോക്ക്ചൂണ്ടിയെത്തിയ നാലംഗസംഘം ജീവനക്കാരെ ഭീഷണിപ്പെടുത്തിയാണ് ബാങ്ക് കൊള്ളയടിച്ചത്.
Click it and Unblock the Notifications
Sign in with Google