എണ്ണവില 43 മാസത്തെ ഏറ്റവും ഉയരത്തില്‍

ലണ്ടന്‍: സൗദി അറേബ്യയിലെ എണ്ണ പൈപ്പ് ലൈനുകളിലുണ്ടായ പൊട്ടിത്തെറിയെ തുടര്‍ന്ന് ആഗോളവിപണിയില്‍ ക്രൂഡ് വില കുതിച്ചുയരുന്നു. ബ്രെന്റ് ക്രൂഡ് ബാരലിന് 5.74 ഡോളര്‍ വര്‍ധിച്ച് 128.40ലെത്തിയിട്ടുണ്ട്. 43 മാസത്തെ ഏറ്റവും ഉയര്‍ന്ന വിലയാണിത്.

ലോകത്തിലെ ഏറ്റവും വലിയ എണ്ണ ഉത്പാദകരായ സൗദി അറേബ്യയിലെ അവാമിയ മേഖലയിലെ പൈപ്പ് ലൈനിലാണ് പൊട്ടിത്തെറിയുണ്ടായത്. പ്രതിദിനം 60 ലക്ഷം ബാരല്‍ എണ്ണ ഈ കേന്ദ്രത്തില്‍ നിന്നു മാത്രം ഉത്പാദിപ്പിക്കുന്നുണ്ട്.

അതേ സമയം ഇത്രമാത്രം വില ഉയരാന്‍ മാത്രമുള്ള പ്രതിസന്ധിയൊന്നും സൗദിയിലില്ലെന്ന് ഒപെക് വ്യക്തമാക്കിയിട്ടുണ്ട്. ഇറാന്റെ എണ്ണയ്ക്ക് അമേരിക്കയും യൂറോപ്യന്‍ യൂനിയനും പ്രഖ്യാപിച്ച ഉപരോധം നിലനില്‍ക്കുന്നതാണ് പ്രശ്‌നം ഗുരുതരമാക്കിയിരിക്കുന്നത്.

English summary

Oil price jumps to 43-month high on Saudi blast reports