വിപണി നേരിയ ലാഭത്തില്‍ ക്ലോസ് ചെയ്തു

മുംബൈ: ഏറെ ചാഞ്ചാട്ടത്തിനൊടുവില്‍ ഇന്ത്യന്‍ ഓഹരി വിപണി നേരിയ നേട്ടത്തില്‍ ക്ലോസ് ചെയ്തു. ബാങ്ക്, കാപ്പിറ്റല്‍ ഗൂഡ്‌സ്, ഹെല്‍ത്ത് കെയര്‍ കമ്പനികളുടെ ഓഹരികളിലുണ്ടായ കുതിപ്പാണ് വിപണിക്ക് അനുഗ്രഹമായത്. സെന്‍സെക്‌സ് 52.83 പോയിന്റ് വര്‍ധിച്ച് 17636.80ലും നിഫ്റ്റി 19.60 പോയിന്റ് ഉയര്‍ന്ന് 5359.35ലും വില്‍പ്പന അവസാനിപ്പിച്ചു.

അരബിന്ദോ ഫാര്‍മ, ഐആര്‍ബി ഇന്‍ഫ്രാസ്ട്രക്ചര്‍, സീ എന്റര്‍ടെയ്ന്‍മെന്റ്, മാക്‌സ് ഇന്ത്യ, സണ്‍ ടിവി നെറ്റ് വര്‍ക്ക് ഓഹരികള്‍ നാലുശതമാനത്തിലേറെ നേട്ടമുണ്ടാക്കി. ചെറുകിട നിക്ഷേപകര്‍ക്ക് ഏറെ പ്രിയപ്പെട്ട സണ്‍ടിവിയുടെ കുതിപ്പ് ശ്രദ്ധേയമായി. 309.40ല്‍ വില്‍പ്പന തുടങ്ങിയ ഓഹരി 323.80 വരെ ഉയര്‍ന്നതിനുശേഷം 322.35ലാണ് ക്ലോസ് ചെയ്തത്.

എംഫസിസ് ലിമിറ്റഡ്, ഡിഎല്‍എഫ് ലിമിറ്റഡ്, ജൂബിലന്റ് ഫുഡ് വര്‍ക്ക്‌സ്, ഹിന്ദ് കോപ്പര്‍, എച്ച്ഡിഐഎല്‍ ഓഹരികള്‍ക്ക് തിരിച്ചടിയേറ്റു. റിയല്‍ എസ്‌റ്റേറ്റ് കമ്പനിയായ ഡിഎല്‍എഫ് 10.80 പോയിന്റിന്റെ നഷ്ടമാണ് രേഖപ്പെടുത്തിയത്.

English summary

he Sensex closed at 17637, up 53 points from its previous close, and the Nifty shut shop at 5359, up 20 points