ക്യാന്സര് മാരകം, സുഖം പ്രാപിക്കുന്നു:ഷാവേസ്
ഹവാനയില് ശസ്ത്രക്രിയ കഴിഞ്ഞ് സുഖം പ്രാപിച്ചുകൊണ്ടിരിക്കുകയാണ് ഷാവെസ്. അടുത്തു തന്നെ താന് റേഡിയേഷന് തെറാപ്പിക്കു വിധേയനാകും എന്നും അദ്ദേഹം അറിയിച്ചു.
ഒക്ടോബറില് നടക്കാനിരിക്കുന്ന തിരഞ്ഞെടുപ്പില് പങ്കെടുക്കാന് തയ്യാറായിക്കൊണ്ടിരിക്കുന്ന ഷാവെസിന്റെ ക്യാന്സര് ശരീരത്തിന്റെ മറ്റു ഭാഗങ്ങളിലേക്ക് ബാധിച്ചിട്ടില്ലെന്ന് ഡോക്ടര്മാര് അറിയിച്ചു എന്നും പറഞ്ഞു.
തനിക്ക് പൂര്ണ്ണ ശുഭാപ്തി വിശ്വാസം ഉണ്ട്, ഷാവെസ് അറിയിച്ചു.
ഷാവെസിന്റെ രോഗത്തെ കുറിച്ച് വെനസ്വേലയില് പല ഊഹാപോഹങ്ങളും പ്രചരിച്ചു കൊണ്ടിരിക്കുന്ന സാഹചര്യത്തിലാണ് പ്രസിഡന്റില് നിന്നും നേരിട്ടു താന് സുഖം പ്രാപിക്കുന്നു എന്ന അറിയിപ്പു വന്നിരിക്കുന്നത്.
ഷാവെസിന് പ്രസിഡന്റ് സ്ഥാനത്ത് തുടരാന് സാധിക്കുമോ, അടുത്ത തിരഞ്ഞെടുപ്പില് അദ്ദേഹം മത്സരിക്കുമോ എന്നൊക്കെ ആളുകള് ആശങ്കയിലാണ്.
ഇതിനിടയില് ഷാവെസിന്റെ ആരോഗ്യസ്ഥിതി വളരെ മോശമാണ്, അദ്ദേഹം ഒരു വര്ഷത്തില് കൂടുതല് ജീവിച്ചിരിക്കില്ല എന്നൊക്കെ അഭ്യൂഹങ്ങള് പരന്നിരുന്നു.