ഗിലാനിക്ക് സുപ്രീം കോടതിയുടെ അന്ത്യശാസനം
നിയമവിദഗ്ധരുടെ ഉപദേശത്തിനു പോലും കാത്തു നില്ക്കാതെ മാര്ച്ച് 21നു മുന്പായി കത്തെഴുതാനാണ് കോടതി നിര്ദ്ദേശം. ജസ്റ്റിസ് നസ്റുല് മുല്ക്കിന്റെ അധ്യക്ഷതയിലുള്ള ഏഴംഗ ബെഞ്ചാണ് ഗിലാനിക്ക് അന്ത്യശാസനം നല്കിയത്.
അഴിമതി കേസുകലില് നിന്നും പ്രസിഡന്റ് സര്ദാരിയെയും മറ്റ് എണ്ണായിരത്തിലേറെ പേരെയും വിമുക്തരാക്കിയ മുന് സര്ക്കാര് ഉത്തരവിനെതിരായ ഹര്ജി പരിഗണിക്കുകയായിരുന്നു.
പ്രസിഡന്റിന് പ്രത്യേക നിയമ പരിരക്ഷ ഉണ്ടെന്നും അതിനാല് പ്രസിഡന്റിനെതിരെ കേസെടുക്കാനാവില്ലെന്നുമുള്ള ഗിലാനിയുടെ വാദം സുപ്രീം കോടതി നേരത്തെ തള്ളിയിരുന്നു.
ഈ അന്ത്യശാസനം പാക് സര്ക്കാറും കോടതിയും തമ്മിലുള്ള ബന്ധം കൂടുതല് സങ്കീര്ണ്ണമാക്കും എന്നുവേണം കരുതാന്. ഈ അന്ത്യശാസനം ഗിലാനി മുഖവിലയ്ക്കെടുത്തില്ലെങ്കില് അദ്ദേഹത്തിനെതിരെ കോടതിയലക്ഷ്യ കേസ് എടുക്കുന്നതിനുള്ള സാധ്യതയും തള്ളിക്കളയാനാവില്ല.