കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഗോവിന്ദചാമിയ്ക്ക് ജയിലില്‍ കഞ്ചാവ് വേണം!

  • By Nisha Bose
Google Oneindia Malayalam News

Govindachamy
കണ്ണൂര്‍: തീവണ്ടി യാത്രയ്ക്കിടെ സൗമ്യ എന്ന പെണ്‍കുട്ടിയെ കൊലപ്പെടുത്തിയ സംഭവത്തില്‍ വധശിക്ഷയ്ക്കു വിധിക്കപ്പെട്ട് കണ്ണൂര്‍ സെന്‍ട്രല്‍ ജയിലില്‍ കഴിയുന്ന ഗോവിന്ദച്ചാമിയ്ക്ക് തനിയ്ക്ക് കഞ്ചാവ് വേണമെന്നാവശ്യപ്പെട്ടു. ഇക്കാര്യമുന്നയിച്ച് ജയില്‍ അധികൃതര്‍ക്ക് കത്തു നല്‍കിയിരിക്കുകയാണ് ഗോവിന്ദചാമി.

എല്ലാ ദിവസവും കഞ്ചാവ് ലഭിക്കാത്തതിനാല്‍ തനിയ്ക്ക് ബുദ്ധിമുട്ട് അനുഭവപ്പെടുന്നുണ്ട്. കഞ്ചാവ് തരാന്‍ നിങ്ങള്‍ക്ക് കഴിയില്ലെങ്കില്‍ തന്റെ അഭിഭാഷകനായ ബി.എ ആളൂരിനെ ബന്ധപ്പെട്ടു കോടതി ഉത്തരവ് സമ്പാദിച്ച് കഞ്ചാവ് എത്തിക്കണമെന്നും ജയില്‍ സൂപ്രണ്ടിന് നല്‍കിയ കത്തില്‍ ഗോവിന്ദച്ചാമി ആവശ്യപ്പെട്ടിട്ടുണ്ട്. ജയില്‍ ചരിത്രത്തില്‍ തന്നെ തടവുകാരില്‍ നിന്നു ലഭിക്കുന്ന വിചിത്രമായ കത്താണിതെന്ന് ജയില്‍ ഉദ്യോഗസ്ഥര്‍ പറയുന്നു.

ജയില്‍ചട്ടമനുസരിച്ച് കഞ്ചാവ് നല്‍കാനാവില്ലെന്ന് ഗോവിന്ദചാമിയെ പറഞ്ഞ് മനസ്സിലാക്കുമെന്ന് ജയില്‍ അധികൃതര്‍ അറിയിച്ചു. ബിരിയാണി തന്നില്ലെങ്കില്‍ ജയിലില്‍ നിരാഹാരമിരിക്കുമെന്നും കത്തില്‍ ഭീഷണി മുഴക്കിയിരുന്നു.

പ്രഭാത ഭക്ഷണമായി ഇഡലിയോ ദോശയോ വേണമെന്നും ഉച്ചയ്ക്കു ബിരിയാണിയും വൈകുന്നേരം പൊറോട്ടയും കോഴിക്കറിയും നല്‍കണമെന്നുമാണ് ഗോവിന്ദച്ചാമിയുടെ ആവശ്യം.

ക്ലോസ്ഡ് സര്‍ക്യൂട്ട് ടി.വി വഴി ജയില്‍ സൂപ്രണ്ടിന്റെ മുറിയില്‍ നിന്നു സദാസമയം ഗോവിന്ദച്ചാമിയെ നിരീക്ഷിക്കുന്നുണ്ട്. ഗോവിന്ദച്ചാമിയ്ക്ക് ഇപ്പോള്‍ നല്‍കി വരുന്ന കൗണ്‍സിലിംങ് തുടരുമെ്ന്ന് ജയില്‍ ഉദ്യോഗസ്ഥര്‍ അറിയിച്ചു.

English summary

 Soumya Killer Govindachamy demanded drug. He wrote letter to Jail Superintendent demanding Biriyani and drug.,
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X