കെനിയന്‍ ബസ് സ്റ്റാന്റില്‍ സ്‌ഫോടനം

നെയ്‌റോബി: കെനിയന്‍ തലസ്ഥാനമായ നെയ്‌റോബിയിലെ ബസ് ടെര്‍മിനലിലുണ്ടായ ഗ്രനേഡ് ആക്രമണത്തില്‍ നാലുപേര്‍ കൊല്ലപ്പെട്ടു. പന്ത്രണ്ടോളം പേര്‍ക്ക് പരിക്കേറ്റിട്ടുണ്ട്.

ബസ് സ്റ്റേഷനരികിലൂടെ കടന്നുപോയ ഒരു വാഹനത്തില്‍ നിന്നും മൂന്നു ഗ്രനേഡുകള്‍ വലിച്ചെറിയുകയായിരുന്നുവെന്നാണ് ദൃക്‌സാക്ഷികള്‍ നല്‍കുന്ന മൊഴി. മുസ്ലീം തീവ്രവാദ ഗ്രൂപ്പായ അല്‍ശബാബാണ് ആക്രമണത്തിനു പിന്നിലെന്ന് പോലിസ് ആരോപിച്ചു.

അല്‍ശബാബിന്റെ ഭീരുത്വം നിറഞ്ഞ പ്രവര്‍ത്തിയാണിത്-പോലിസ് വക്താവ് ചാള്‍സ് ഓവിനോ വ്യക്തമാക്കി.കഴിഞ്ഞ ഒക്ടോബറിലും ഇതിനു സമാനമായ സംഭവങ്ങളുണ്ടായിട്ടുണ്ട്. ഇതുവരെ ഒരു ഗ്രൂപ്പും ആക്രമണത്തിന്റെ ഉത്തരവാദിത്തം ഏറ്റെടുത്തിട്ടില്ല.

English summary

At least four people have been killed and dozens of others injured after a grenade attack on a bus terminal in the Kenyan capital, Nairobi, officials say.