ചികിത്സ കഴിഞ്ഞ് ഷാവേസ് വെനസ്വേലയില്‍ തിരിച്ചെത്തി

കാരക്കസ്: വെനസ്വേല പ്രസിഡന്റ് ഹ്യൂഗോ ഷാവേസ് രണ്ടാം ഘട്ട ശസ്ത്രക്രിയ കഴിഞ്ഞ് വെനസ്വേലയില്‍ തിരിച്ചെത്തി. അര്‍ബുദ ബാധിതനായ ഷാവേസ് ക്യൂബയില്‍ ചികിത്സയിലായിരുന്നു.

'ഈ തിരിച്ചു വരവ് ഒരു പ്രാര്‍ത്ഥനയാണ്, ദൈവത്തിനുള്ള സമര്‍പ്പണമാണ്' തിരിച്ചു വെനസ്വേലയിലെത്തിയ ഷാവേസ് ജനങ്ങളോട് പറഞ്ഞു.

തന്റെ ആരോഗ്യനിലയില്‍ പുരോഗതിയുണ്ട്, തന്നെ ബാധിച്ചിരുന്ന അര്‍ബുധം ഗുരുതരമായിരുന്നു എന്നൊക്കെ ഷാവേസ് ഹവാനയില്‍ വെച്ചുതന്നെ ഒരു ടെലിവിഷനു നല്‍കിയ അഭിമുഖത്തില്‍ പറഞ്ഞിരുന്നു. കീമോതെറാപ്പി കുറച്ചു കാലം കൂടി തുടരേണ്ടതുണ്ട് എന്നും അദ്ദേഹം അറിയിച്ചിരുന്നു.

ഫെബ്രുവരി 26ന് ആണ് ഷാവേസ് ഹവാനയില്‍ രണ്ടാം വട്ട ശസ്ത്രക്രിയക്ക് വിധേയനായത്. 2011ല്‍ ഹവാനയില്‍ തന്നെയായിരുന്നു ആദ്യ ശസ്ത്രക്രിയയും. എന്നാല്‍ അര്‍ബുദം പൂര്‍വ്വാധികം ശക്തിയോടെ തിരിച്ചെത്തിയതിനെ തുടര്‍ന്നാണ് രണ്ടാമതും ശസ്ത്രക്രിയ വേണ്ടി വന്നത്.

വെനസ്വേലയിലേക്ക് തിരിച്ചു വരുന്നതായി ഹവാന വിമാനത്താവളത്തില്‍ നിന്നും പുറപ്പെടുമ്പോള്‍ തന്നെ അദ്ദേഹം ട്വീറ്റ് ചെയ്തിരുന്നു. ക്യബന്‍ പ്രസിഡന്റ് റൗള്‍ കാസ്‌ട്രോ തന്നെ യാത്ര അയക്കാനെത്തിയതായും ഷാവേസ് ട്വിറ്ററിലൂടെ അറിയിച്ചിരുന്നു.

ഒക്ടോബര്‍ ഏഴിനു നടക്കുന്ന തിരഞ്ഞെടുപ്പില്‍ വിജയം സുന്ശ്ചിതമാണ് എന്നും തിരിച്ചെത്തിയപ്പോള്‍ ഷാവേസ് അഭിപ്രായപ്പെട്ടു.

English summary

Hugo Chavez's return to Venezuelan soil after an absence of three weeks in Havana reasserts his leadership, calms anxiety among supporters and quells whispers of a succession struggle behind the scenes.