യെഡിയൂരപ്പ മെരുങ്ങി, ദില്ലിയ്ക്ക് പോകും

ബാംഗ്ലൂര്‍: ഭൂരിപക്ഷ ബിജെപി എംഎല്‍എമാരുമായി റിസോര്‍ട്ടില്‍ തമ്പടിച്ച് കര്‍ണാടകയിലെ സദാനന്ദ ഗൗഡ സര്‍ക്കാറിനെതിരേ കൊലവിളി നടത്തിയ മുന്‍ മുഖ്യമന്ത്രി ബിഎസ് യെഡിയൂരപ്പ നിലപാടില്‍ അയവ് വരുത്തി. പാര്‍ട്ടി നേതൃത്വത്തിനു നല്‍കിയ അന്ത്യശാസനത്തിന്റെ കാലാവധി ചൊവ്വാഴ്ച പൂര്‍ത്തിയായെങ്കിലും കടുത്ത തീരുമാനങ്ങളില്‍ നിന്നു വിട്ടുനില്‍ക്കുകയായിരുന്നു.

കഴിഞ്ഞ മൂന്നു ദിവസത്തിനുള്ളില്‍ പല തവണ കേന്ദ്ര നേതൃത്വവുമായി ബന്ധപ്പെട്ടിരുന്നു. അരുണ്‍ ജെയ്റ്റിലിയും നിതിന്‍ ഖഡ്കരിയുമായും ബുധനാഴ്ച അത്യാവശ്യമായി ദില്ലിയിലെത്തണമെന്ന് ആവശ്യപ്പെട്ടിട്ടുണ്ട്. ദേശീയ നേതാക്കളെ കാണാന്‍ പോവുകയാണ്-യെഡിയൂരപ്പ അറിയിച്ചു.

കഴിഞ്ഞ 34 വര്‍ഷത്തെ രാഷ്ട്രീയ ജീവിതത്തില്‍ താങ്ങും തണലുമായത് കേന്ദ്ര നേതൃത്വമാണ്. അതുപോലെ തന്നെ ആര്‍എസ്എസ് നേതൃത്വത്തിന്റെ നിലപാടും നിര്‍ണായകമാണ്. അവര്‍ ഈ പ്രശ്‌നത്തിന് പരിഹാരം കാണുമെന്നുറപ്പാണ്. അതെന്തായാലും അനുസരിക്കാന്‍ ബാധ്യസ്ഥനാണ്.

English summary

Yeddyurappa softens stand, to meet BJP leaders in Delhi