23 മുതല് പമ്പുകള് അടച്ചിടും
യാതൊരു മാനദണ്ഡവുമില്ലാതെ പുതിയ പമ്പുകള് തുടങ്ങുന്നതിന് അനുമതി നല്കുന്നതില് പ്രതിഷേധിച്ചാണ് പണിമുടക്ക് നടത്തുന്നത്. അഞ്ചു കിലോമീറ്റര് ചുറ്റളവില് പുതിയ പമ്പുകള് തുടങ്ങരുതെന്ന ഉത്തരവ് പാലിക്കപ്പെടുവാന് കോടതി ഇടപെടണം. ഡീലര്മാര്ക്ക് നല്കുന്ന കമ്മീഷന് കാലോചിതമായി പരിഷ്കരിക്കണമെന്നും ഇവര് ആവശ്യപ്പെടുന്നു.
നിലവില് പെട്രോളിന് ലിറ്ററിന് 97 പൈസയും ഡീസലിന് 76 പൈസയുമാണ് ഡീലര്മാര്ക്ക് കമ്മീഷനായി നല്കുന്നത്. ഇതില് യഥാക്രമം 67, 30 പൈസ വീതം വര്ധിപ്പിക്കണമെന്നാണ് സംഘടനയുടെ ആവശ്യം. രാജ്യത്തെ 34,000ത്തോളം പമ്പുകള് പ്രതിഷേധ സമരത്തിന്റെ ഭാഗമായി അടഞ്ഞു കിടക്കുമെന്നും ഭാരവാഹികള് അറിയിച്ചു.
Click it and Unblock the Notifications
Sign in with Google