ആയുധങ്ങള് വേഗം വാങ്ങണം: ആന്റണി
എന്നാല് ആയുധങ്ങള് വാങ്ങുന്നതില് കാലതാമസം വരുത്തുകയാണെങ്കില് നടപടിയെടുക്കാവുന്ന തരത്തിലുള്ള മാറ്റങ്ങള് വരുത്തണമെന്നും ആന്റണി ആവശ്യപ്പെട്ടു. തിങ്കളാഴ്ച സൗത്ത് ബ്ലോക്കില് കരസേനയിലെ ഉന്നതരുമായി നടത്തിയ യോഗത്തിലാണ് പ്രതിരോധമന്ത്രി ഇക്കാര്യം അറിയിച്ചത്.
കരസേനയില് ആയുധക്ഷാമമുണ്ടെന്നു കാണിച്ച് കരസേനാമേധാവി വികെ സിങ് പ്രധാനമന്ത്രിയ്ക്കയച്ച കത്ത് ചോര്ന്നതിന്റെ പശ്ചാത്തലത്തിലാണ് ആയുധശേഖരണം വേഗത്തിലാക്കാനുള്ള നടപടി സ്വീകരിക്കുന്നത്.
ടട്ര ട്രക്ക് ഇടപാടിനായി ഒരു മുന് സൈനിക ഉദ്യോഗസ്ഥന് 14 കോടി രൂപ കോഴ വാഗ്ദാനം ചെയ്തെന്ന വെളിപ്പെടുത്തലിന് ശേഷം വികെ സിങും ആന്റണിയും ആദ്യമായാണ് മുഖാമുഖം കാണുന്നത്. യോഗത്തിന് മുന്പു തന്നെ സിങ് ആന്റണിയുമായി സംസാരിച്ചു. ഇരുവരും തമ്മില് തികച്ചും സൗഹാര്ദ്ദപരമായാണ് ഇടപെട്ടതെന്നാണ് റിപ്പോര്ട്ട്.
Click it and Unblock the Notifications
Sign in with Google