സാം പിട്രോഡ അടുത്ത പ്രസിഡന്റ്?
1942ല് ഒറീസ്സയിലെ തിത്ത്ലഗര് ഗ്രാമത്തിലാണ് പിട്രോഡ ജനിച്ചത്. മഹാരാഷ്ട്ര സായിറാവു സര്വകലാശാലയില് നിന്നും ഭൗതികശാസ്ത്രത്തില് ബിരുദവും ബിരുദാനന്തര ബിരുദവും നേടിയതിനുശേഷം അമേരിക്കയിലെ ഇല്ലിനോയ് ഇന്സ്റ്റിറ്റിയൂട്ട് ഓഫ് ടെക്നോളജിയില് നിന്ന് ഇലക്ട്രിക്കല് എന്ജിനിയറിങില് എംഎസ് ബിരുദം നേടി. 1974 ആകുമ്പോഴേക്കും ടെലികമ്യൂണിക്കേഷന് മേഖലയില് 50 ഓളം പാറ്റന്റുകള് പിട്രോഡയുടെ പേരിലായി കഴിഞ്ഞിരുന്നു.
ഇന്ദിരാഗാന്ധി പ്രധാനമന്ത്രിയായിരുന്ന കാലത്താണ് ഇന്ത്യന് ടെലികോം മേഖലയുടെ പരിഷ്കാരത്തിന് സാം പിട്രോഡയെ ഇന്ത്യയിലെത്തിക്കുന്നത്. തുടര്ന്ന് രാജീവ് ഗാന്ധിയുടെ കാലമാകുമ്പോഴേക്കും പ്രധാനമന്ത്രിയുടെ ശാസ്ത്രകാര്യ ഉപദേഷ്ടാവ്, ടെലികോം കമ്മിഷന്റെ അധ്യക്ഷന് എന്നീ പദവികളില് അദ്ദേഹമെത്തി. കുറച്ചുകാലത്തെ ഇടവേളയ്ക്കുശേഷം പിട്രോഡ ഇപ്പോള് ഇന്ത്യയില് സജീവമാണ്.
2004ല് മന് മോഹന് സിങ് പ്രധാനമന്ത്രിയായി അധികാരമേറ്റെടുത്തപ്പോള് ദേശീയ വിജ്ഞാന കമ്മീഷന് അധ്യക്ഷനായി സാം പിട്രോഡയെ നിയമിച്ചു. 2009ല് രാജ്യം പത്മഭൂഷണ് ബഹുമതി നല്കി ആദരിച്ച പിട്രോഡ ഇപ്പോള് പ്രധാനമന്ത്രിയുടെ ശാസ്ത്രകാര്യ ഉപദേഷ്ടാവാണ്.
Click it and Unblock the Notifications
Sign in with Google