തന്ത്രിയറിയാതെ ശബരിമലയില് ദേവപ്രശ്നം
തന്ത്രിയുടെ അനുമതി വാങ്ങി തീയതി നിശ്ചയിച്ച ശേഷമാണു സാധാരണ ഗതിയില് ദേവപ്രശ്നം നടത്താറ്. ശബരിമലയില് നവീകരണ പ്രവര്ത്തനങ്ങള് നടത്തുന്നതിന് ദൈവഹിതമറിയുക എന്നതാണ് ദേവപ്രശ്നത്തിന്റെ ലക്ഷ്യം.
തിരുവിതാംകൂര് ദേവസ്വം ബോര്ഡിലെ ചിലരുടെ താത്പര്യ പ്രകാരമാണു ദേവപ്രശ്നം നടത്തുന്നതെന്നാണ് സൂചന. ബോര്ഡിനു രണ്ടു മാസം മാത്രം കാലാവധി ബാക്കി നില്ക്കെ നവീകരണ പ്രവര്ത്തനങ്ങള് ത്വരിതഗതിയില് നടത്താനുള്ള നീക്കത്തിന് പിന്നില് അഴിമതിയാണെന്നും ആരോപണമുയര്ന്നു കഴിഞ്ഞു.
എന്നാല് ഒറ്റ രാഖി താംബൂല പ്രശ്നം എന്ന സാധാരണ നടപടിക്രമം മാത്രമാണു നടത്തുന്നതെന്നാണു ദേവസ്വം ബോര്ഡിന്റെ വിശദീകരണം. ഇതും തന്ത്രിയുടെ അനുവാദത്തോടെ മാത്രമേ പാടുള്ളൂ എന്നതാണ് കീഴ് വഴക്കം
2005 ജൂണ് 16ന് ഇത്തരത്തില് തന്ത്രിയെ അറിയിക്കാതെ ശബരിമലയില് ദേവപ്രശ്നം നടത്തിയിരുന്നു. അന്നത് വന് വിവാദത്തില് കലാശിക്കുകയും ചെയ്തു.
Click it and Unblock the Notifications
Sign in with Google