മുംബൈ ആക്രമണത്തിനു പിന്നില് ലാദന്
കൂടാതെ സയീദുമായി ഒസാമയ്ക്ക് അടുത്ത ബന്ധമാണുണ്ടായിരുന്നത്-ബരാക് ഒബാമയുടെ മുന് ഉപദേശകനായ ബ്രൂസ് റീഡെല് അറിയിച്ചു. മുംബൈ ആക്രമണത്തിനു പിന്നില് പ്രവര്ത്തിച്ചത് സയീദാണെന്നതിന് നിരവധി തെളിവുകളുണ്ട്. എന്നാല് സയീദിനെ അറസ്റ്റ് ചെയ്യാന് പാകിസ്താന് വിമുഖത കാണിക്കുകയാണ്.
അഫ്ഗാനിസ്താനിലേക്കുള്ള നാറ്റോ വിതരണ പാത തടസ്സപ്പെടുത്തുന്നതാണ് ഇത്തരമൊരു ആരോപണത്തിനു പിന്നിലെന്ന് ജിയോ ടിവിക്കു നല്കിയ അഭിമുഖത്തില് സയീദ് ആരോപിച്ചു. ഇന്ത്യയുടെ സമ്മര്ദ്ദത്തിനു വഴങ്ങിയാണ് അമേരിക്ക ഇത്തരമൊരു നീക്കം നടത്തുന്നത്.
സയീദിന്റെ തലയ്ക്ക് അമേരിക്ക ഇനാം പ്രഖ്യാപിച്ച വിവരം മാധ്യമങ്ങളിലൂടെയാണ് അറിഞ്ഞത്. ഇക്കാര്യത്തെ കുറിച്ച് അന്വേഷിക്കാന് വേണ്ടി നിര്ദ്ദേശം നല്കിയിട്ടുണ്ട്. അമേരിക്കയില് നിന്ന് ഇതുസംബന്ധിച്ച് യാതൊരു അറിയിപ്പും വന്നിട്ടില്ല-പാകിസ്താന് ആഭ്യന്തരമന്ത്രി റഹ്മാന് മാലിക് പറഞ്ഞു.