മുന്‍മുഖ്യന്റെ പടമുപയോഗിച്ച് നടിയുടെ പെണ്‍വാണിഭം

ഹൈദരാബാദ്: പെണ്‍വാണിഭ കേസില്‍ പിടിയിലായ നടി താര ചൗധരി ഇടപാടുകാരെ വലയിലാക്കാന്‍ അന്തരിച്ച മുന്‍ മുഖ്യമന്ത്രി വൈഎസ് രാജശേഖര റെഡ്ഡിയുടെ ചിത്രവും ഉപയോഗിച്ചിരുന്നതായി റിപ്പോര്‍ട്ട്.

ബഞ്ചാര ഹില്‍സ് പൊലീസാണ് ഇക്കാര്യം കേസ് പരിഗണിച്ച നാമ്പള്ളി കോടതിയെ അറിയിച്ചത്. ഇത് ഒരു സാധാരണ പെണ്‍വാണിഭ കേസല്ലെന്നും പ്രതി ഇടപാടുകാരേയും ഇരകളേയും നിരന്തരം ഭീഷണിപ്പെടുത്താറുണ്ടായിരുന്നുവെന്നും അഡീഷണല്‍ പബ്ലിക് പ്രോസിക്യൂട്ടര്‍ ലക്ഷമണ്‍ റാവു കേസ് പരിഗണിച്ച ചീഫ് ജുഡീഷ്യല്‍ മജിസ്‌ട്രേറ്റിനെ അറിയിച്ചു. കേസിലെ മറ്റുപ്രതികളെ പിടികൂടാനും കൂടുതല്‍ തെളിവുകള്‍ ശേഖരിക്കാനുമായി പ്രതികളെ കസ്റ്റഡിയില്‍ വിട്ടുതരണമെന്നും ലക്ഷമണ്‍ റാവു കോടതിയോട് അഭ്യര്‍ഥിച്ചു.

വിശാഖപട്ടണം സ്വദേശിയായ 20കാരിയെ വേശ്യാവൃത്തിയ്ക്ക് നിര്‍ബന്ധിച്ചുവെന്ന കുറ്റത്തിനാണ് താരയേയും കാമുകനേയും പൊലീസ് അറസ്റ്റു ചെയ്തത്. പെണ്‍കുട്ടിയുടെ പരാതിയെ തുടര്‍ന്ന് നടിയുടെ വീട്ടില്‍ പൊലീസ് പരിശോധന നടത്തിയിരുന്നു. പരിശോധനയില്‍ നടി വൈഎസ്ആറിന് പൂച്ചെണ്ട് കൊടുക്കുന്ന ചിത്രം കണ്ടെത്തിയിരുന്നു. ഈ ചിത്രം കാണിച്ച് പ്രതി ഇടപാടുകാരെ വലയിലാക്കാറുണ്ടായിരുന്നുവെന്ന് പൊലീസ് പറഞ്ഞു. ഫോട്ടോയ്ക്ക് പുറമേ പാന്‍ കാര്‍ഡുകളും കോണ്ടവും പൊലീസ് കണ്ടെടുത്തു.

എന്നാല്‍ നടി ചിന്നി കൃഷ്ണ എന്നയാള്‍ക്ക് വന്‍ തുക കടമായി കൊടുത്തിരുന്നുവെന്നും ഇത് മടങ്ങി കിട്ടാത്തതിനാല്‍ നടി അയാള്‍ക്കെതിരെ പരാതി നല്‍കിയിരുന്നുവെന്നും പ്രതിഭാഗം വക്കീല്‍ കോടതിയെ അറിയിച്ചു. പിന്നീട് ഈ പരാതി ഒതുക്കി തീര്‍ക്കാന്‍ പൊലീസ് ശ്രമിച്ചെങ്കിലും നടി വഴങ്ങിയില്ല. ഇതിന് പ്രതികാരമായാണ് കള്ളക്കേസില്‍ കുടുക്കിയതെന്നായിരുന്നു നടിയുടെ വക്കീലിന്റെ വാദം.

കുറച്ച് സിനിമകളില്‍ ജൂനിയര്‍ ആര്‍ട്ടിസ്റ്റായി അഭിനയിച്ചിട്ടുള്ള താര ബഞ്ചാര ഹില്‍സിലുള്ള നവോദയ കോളനിയിലാണ് താമസിച്ചിരുന്നത്. ഇവിടെ നടിയും കാമുകനും ചേര്‍ന്ന് ഒരു വേശ്യാലയം നടത്തിയിരുന്നതായും പൊലീസ് പറയുന്നു.

English summary

Actress Tara Chowdhary, was using her photograph with late chief minister Y.S. Rajasekhar Reddy to commit offences