പാക് സൈനികര്ക്കായി തിരച്ചില് തുടരുന്നു
നൂറുകണക്കിന് സൈനികരും പരിശീലനം സിദ്ധിച്ച നായകളും ആയുനിക ഉപകരണങ്ങളും ഉപയോഗിച്ചാണ് പരിശോധന നടത്തുന്നത്. പ്രതികൂല കാലാവസ്ഥയാണ് രക്ഷാപ്രവര്ത്തനത്തെ തടസ്സപ്പെടുത്തുന്നത്. ഇപ്പോള് 70 അടിയോളം ഉയരത്തില് നില്ക്കുന്ന മഞ്ഞുകൂമ്പാരം നീക്കിയാല് മാത്രമേ സൈനികരെ പുറത്തെത്തിക്കാനാവൂ.
കുടുങ്ങികിടക്കുന്നവരില് 124 പേര് സൈനികരും ബാക്കിയുള്ളവര് സിവിലിയന്മാരുമാണെന്ന് വ്യക്തമായിട്ടുണ്ട്. വിജനമായ ഔട്ട്പോസ്റ്റുകളിലേക്ക് ഭക്ഷണവും മറ്റു സൗകര്യങ്ങള് എത്തിച്ചുകൊടുക്കുന്നതിനുവേണ്ടിയാണ് ഗയാരിയില് സൈനിക കേന്ദ്രമുണ്ടാക്കിയത്. 4572 മീറ്റര് ഉയരത്തിലുള്ള ഈ കേന്ദ്രത്തില് മഞ്ഞിടിച്ചില് ഉണ്ടായത് എല്ലാവരെയും അദ്ഭുതപ്പെടുത്തിയിട്ടുണ്ട്.
തന്ത്രപ്രധാനമായ സിയാച്ചിന് മേഖലയില് ഇത്തരത്തില് സൈനിക വിന്യാസം നടത്തുന്നതിനായി ഇന്ത്യയും പാകിസ്താനും കോടികളാണ് ചെലവഴിക്കുന്നത്.