കേരളവും വിറച്ചു; 5 ജില്ലകളില് ഭൂചലനം
കേരളത്തില് കണ്ട്രോള് റൂം തുറന്നു
സുനാമി മുന്നറിയിപ്പ് നിലനില്ക്കുന്ന പശ്ചാത്തലത്തില് കേരളത്തില് കണ്ട്രോള് റൂമുകള് പ്രവര്ത്തനം ആരംഭിച്ചു. നമ്പര്:കൊച്ചി 0484 2423513, കോഴിക്കോട്: 1070 or 0495-2371002
സുനാമി ഉണ്ടാകുമെന്ന് കരുതപ്പെടുന്ന സമയം
തിരുവനന്തപുരം: ഇന്തോനേഷ്യയിലെ ഭൂകമ്പത്തെ തുടര്ന്നുള്ള സുനാമി തിരമാലകള് കേരളത്തിലെത്തുന്നുണ്ടെങ്കില് അത് വൈകീട്ട് അഞ്ചരയോടെയായിരിക്കുമെന്ന് വിദഗ്ധര് മുന്നറിയിപ്പ് നല്കി.
അതിനിടെ തമിഴ്നാട്ടിലെ തീരപ്രദേശങ്ങളില് വന്തോതില് കുടിയൊഴിപ്പിക്കല് ആരംഭിച്ചു. എന്നാല് സുനാമി മുന്നറിയിപ്പൊന്നും ലഭിച്ചിട്ടില്ലെന്ന് അധികൃതര് വ്യക്തമാക്കി. മുന്കരുതലെന്ന നിലയിലാണ് ആളുകളെ ഒഴിപ്പിക്കുന്നത്. കന്യാകുമാരിയിലെ ബോട്ട് സര്വീസുകള് നിര്ത്തിവെയ്ക്കാന് നിര്ദ്ദേശം നല്കിയിട്ടുണ്ട്.
പോര്ട്ട് ബ്ലെയര് 4.22
ചെന്നൈ 04 57
കാക്കിനാഡ 05 35
തിരുവനന്തപുരം 05 38
മുംബൈ 07 06
മുംബൈ 09 38
മറീന ബീച്ചില് ആളുകളെ ഒഴിപ്പിച്ചു; കൊല്ക്കൊത്ത മെട്രോ അടച്ചു
ചെന്നൈ/കൊല്ക്കൊത്ത: ചെന്നൈ തീരത്ത് ഭൂകമ്പം അനുഭവപ്പെട്ടതിനെ തുടര്ന്ന് മറീന ബീച്ചില് നിന്ന് ആളുകളെ ഒഴിപ്പിച്ചു. കന്യാകുമാരിയില് ബോട്ട് സര്വ്വീസ് നിര്ത്തിവച്ചു. സുമാത്രയിലുണ്ടായ ഭൂകമ്പത്തെ തുടര്ന്നുള്ള സുനാമി ചെന്നൈയിലും മംഗലാപുരത്തും മുംബൈയിലും ആഞ്ഞടിക്കാന് സാധ്യത.
പുതുച്ചേരിയിലും ജാഗ്രതാ നിര്ദ്ദേശം നല്കി. ചെന്നൈ, കക്കിനഡ എന്നിവിടങ്ങളില് സുനാമി മുന്നറിയിപ്പ് നല്കി. വാര്ത്താവിനിമയ സംവിധാനങ്ങള് ഭാഗികമായി തടസ്സപ്പെട്ടു.രണ്ടു തവണ ഭൂചലനം അനുഭവപ്പെട്ട കൊല്ക്കൊത്തയില് മെട്രോ ട്രെയിന് സര്വീസുകള് നിര്ത്തിവച്ചു.
ഭൂചലനം, ഓഹരി വിപണി ഇടിഞ്ഞു
ഇന്തോനേസ്യയിലുണ്ടായ ഭൂകമ്പത്തെ തുടര്ന്ന് ഇന്ത്യന് ഓഹരി വിപണികള് ഇടിഞ്ഞു. ലാഭത്തില് നിന്നിരുന്ന സെന്സെക്സ് വാര്ത്ത പുറത്തുവന്നതോടെ നൂറിലധികം പോയിന്റ് താഴോട്ടിറങ്ങി. സെന്സെക്സ് 44.44 പോയിന്റ് നഷ്ടത്തോടെ 17199.40ലും നിഫ്റ്റി 16.75 പോയിന്റ് കുറഞ്ഞ് 5226.85ലും ക്ലോസ് ചെയ്തു.
കേരളവും വിറച്ചു; 5 ജില്ലകളില് ഭൂചലനം
കൊച്ചി: ഇന്തോനേഷ്യയിലെ വന് ഭൂകമ്പത്തില് കേരളവും വിറച്ചു. ബുധനാഴ്ച ഉച്ചയ്ക്ക് 2.10ന് തിരുവനന്തപുരം ഉള്പ്പെടെ കേരളത്തിലെ അഞ്ച് ജില്ലകളിലാണ് നേരിയ ഭൂചലനമനുഭവപ്പെട്ടത്. എറണാകുളം, കോഴിക്കോട്, കൊല്ലം, കോട്ടയം ജില്ലകളില് അഞ്ചുസെക്കന്ഡ് നീണ്ടുനിന്ന ഭൂചലനമാണ് അനുഭവപ്പെട്ടത്.
ആളുകള് ഓഫീസുകളില് നിന്ന് പരിഭ്രാന്തരായി പുറത്തേക്ക് ഓടിയിറങ്ങി. പനമ്പള്ളി നഗര്, കലൂര് എന്നീ ഭാഗങ്ങളിലാണ് ചലനം അനുഭവപ്പെട്ടത്. കോട്ടയത്ത് ഒരു മിനിറ്റലധികം സമയം ഇടവിട്ട് ഭൂചലനം അനുഭവപ്പെട്ടു.
(കേരളത്തില് ഭൂചലനം ഇതു വരെ)
വടക്കന് സുമാത്രയിലുണ്ടായ വന് ഭൂചലനത്തിന്റെ തുടര്ച്ചയായാണ് കേരളത്തിലും ചലനം അനുഭവപ്പെട്ടതെന്ന് വിദഗ്ധര് അറിയിച്ചു. റിക്ടര് സ്കെയിലില് 8.9 രേഖപ്പെടുത്തിയ ചലനമാണ് വടക്കന് സുമാത്രയില് അനുഭവപ്പെട്ടത്. വ്യാപക ഭൂചലനത്തെ തുടര്ന്ന് 28 രാജ്യങ്ങളില് സുനാമി മുന്നറിയിപ്പ് നല്കിയിട്ടുണ്ട്.
ചെന്നൈയിലും ആസാമിലെ ഗോഹട്ടിയിലും ഭൂചലനം അനുഭവപ്പെട്ടു. ചെന്നൈയില് പത്തുസെക്കന്ഡ് സമയം നീണ്ടുനിന്ന ചലനമാണ് അനുഭവപ്പെട്ടത്. ഐടി നഗരമായ ബാംഗ്ലൂരിലും നേരിയ തോതില് ഭൂചലനം അനുഭവപ്പെട്ടു.
സംസ്ഥാനത്ത് എന്തെങ്കിലും നാശനഷ്ടമുണ്ടായിട്ടുണ്ടോയെന്ന് വ്യക്തമായിട്ടില്ല. സിംഗപ്പൂര്, തായ്ലാന്ഡ് എന്നിവിടങ്ങളിലും ചലനം അനുഭവപ്പെട്ടു.
-
വളരെ സ്പെഷ്യലായ 2 രാജയോഗങ്ങൾ ഒരുമിച്ച്; ഈ രാശിക്കാരുടെ പ്രണയ ജീവിതം കളറാവും, സമ്പത്ത് നിറയും! -
ട്രാക്ക് മാറ്റാൻ ബെംഗളൂരു നഗരം; എൽപിജി ഇല്ലെങ്കിലും നോ ടെൻഷൻ, കൂടുതൽ ബയോഗ്യാസ് പ്ലാന്റുകൾ സ്ഥാപിക്കും -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
ബെംഗളൂരുകാർക്ക് ആശ്വാസം; സിൽക്ക് ബോർഡിലെ ഡെബിൾ ഡെക്കർ മേൽപ്പാലം ഉടൻ പൂർണമായി തുറക്കും -
'അയാൾ ലവ് ബോംബിംഗ് നടത്തി, 19-ാം വയസിൽ കല്യാണം കഴിച്ചത് ജോത്സ്യന് പറഞ്ഞതുകൊണ്ട് മാത്രം'; അമൃത സുരേഷ് -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ആപ്പിൾ പ്രേമികൾക്ക് ലോട്ടറി! ഐഫോൺ 16 വില 20,000 രൂപ കുറഞ്ഞു; സുവർണ്ണാവസരം നഷ്ടപ്പെടുത്തരുത് -
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും -
കേരളത്തിൽ സ്വർണ വില ഒരാഴ്ചക്കിടെ ഇടിഞ്ഞത് 3000ത്തിന് അടുത്ത്; വരും ആഴ്ചയിലും വില കുത്തനെ താഴേക്ക്? -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
"സീറ്റ് പോയോ സരിൻ?" സ്ഥാനാർത്ഥി പട്ടിക വന്നതിന് പിന്നാലെ പി സരിന് ട്രോൾ മഴ -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന്
Click it and Unblock the Notifications
Sign in with Google