സുമാത്ര ഭൂകമ്പം: മുല്ലപ്പെരിയാര്‍ സുരക്ഷിതം

ഇടുക്കി: സുമാത്രയിലുണ്ടായ വന്‍ഭൂകമ്പം കേരളത്തിലും നേരിയ തോതില്‍ അനുഭവപ്പെട്ടെങ്കിലും ഭയക്കേണ്ട കാര്യമില്ലെന്ന് വിദഗ്ധര്‍. സംസ്ഥാനത്തെ അഞ്ച് ജില്ലകളില്‍ അനുഭവപ്പെട്ട ഭൂകമ്പത്തില്‍ മുല്ലപ്പെരിയാര്‍ അണക്കെട്ട് സുരക്ഷിതമാണെന്ന് അധികൃതര്‍ അറിയിച്ചു. മുല്ലപ്പെരിയാര്‍ അണക്കെട്ട് സ്ഥിതി ചെയ്യുന്ന ഇടുക്കിയില്‍ പ്രകമ്പനം അനുഭവപ്പെട്ടില്ലെന്നാണ് പ്രാഥമിക റിപ്പോര്‍ട്ട്.

റിക്ടര്‍ സ്‌കെയിലില്‍ 8.9 രേഖപ്പെടുത്തിയ ചലനമാണ് വടക്കന്‍ സുമാത്രയില്‍ അനുഭവപ്പെട്ടത്. ഇതേ തുടര്‍ന്ന് 28 രാജ്യങ്ങളില്‍ സുനാമി മുന്നറിയിപ്പ് നല്‍കിയിട്ടുണ്ട്. കൊച്ചിയില്‍ അഞ്ചുസെക്കന്‍ഡ് നീണ്ടുനിന്ന ഭൂചലനമാണ് അനുഭവപ്പെട്ടത്. കൊല്ലം ജില്ലയില്‍ ചിന്നക്കട, കരുനാഗപ്പള്ളി, എഴുകോണ്‍, തങ്കശേരി തുടങ്ങിയ സ്ഥലങ്ങളില്‍ ഭൂചലനം അനുഭവപ്പെട്ടു.

ഇന്ത്യയടക്കം 28രാജ്യങ്ങളില്‍ സുനാമി മുന്നറിയിപ്പ് നല്‍കിയിട്ടുണ്ട്. കൊച്ചിയില്‍ അഞ്ചുസെക്കന്‍ഡ് നീണ്ടുനിന്ന ഭൂചലനമാണ് അനുഭവപ്പെട്ടത്. ആളുകള്‍ ഓഫീസുകളില്‍ നിന്ന് പരിഭ്രാന്തരായി പുറത്തേക്ക് ഓടിയിറങ്ങി.