രാഹുലിന് ആന്റണിയുടെ ക്ലീന് ചിറ്റ്
ന്യൂനപക്ഷ വോട്ടുകള് സ്വാധീനിക്കാനായി മുതിര്ന്ന നേതാക്കള് നടത്തിയ സാമുദായിക പരാമര്ശങ്ങളാണ് യുപിയിലെ കോണ്ഗ്രസിന്റെ പരാജയത്തിന് കാരണമെന്നാണ് സമിതിയുടെ കണ്ടെത്തല്. രൂക്ഷമായ വിലക്കയറ്റവും അഴിമതിയും കോണ്ഗ്രസിന് തിരിച്ചടിയായി.
കോണ്ഗ്രസിന്റെ സംഘടനാ ദൗര്ബല്യവും തിരഞ്ഞെടുപ്പിലെ മോശം പ്രകടനത്തിന് കാരണമായി. രാഹുല് ഗാന്ധിയുടെ പ്രചാരണം ജനങ്ങളില് എത്തിക്കുന്നതില് നേതാക്കള് പരാജയപ്പെട്ടു. യു.പിയില് സ്ഥാനാര്ഥി നിര്ണയത്തിലും അപാകതയുണ്ടായതായി റിപ്പോര്ട്ടില് പരാമര്ശിക്കുന്നു.
ഗോവയിലെ ഖനന അഴിമതി പാര്ട്ടിയെ പ്രതികൂലമായി ബാധിച്ചതായി സമിതി കണ്ടെത്തി. പഞ്ചാബിലാകട്ടെ പ്രചാരണത്തിലെ പിഴവുകളാണ് പാര്ട്ടിയെ വിജയത്തില് നിന്നകറ്റിയത്. എകെ ആന്റണിക്ക് പുറമെ ഷീലാ ദീക്ഷിത്, സുശീല് കുമാര് ഷിന്ഡെ, എന്നിവരാണ് തിരഞ്ഞെടുപ്പ് തോല്വിയെ കുറിച്ച് പഠിക്കാനായി നിയോഗിക്കപ്പെട്ട സമിതിയിലെ അംഗങ്ങള്.
Click it and Unblock the Notifications
Sign in with Google